20 სექტემბერს, თელავის დემოკრატიული ჩართულობის ცენტრის ორგანიზებით გაიმართა საინფორმაციო შეხვედრა არჩევნების თემაზე და ვიდეო-სერვისის მომსახურეობის შესახებ ყრუ და სმენადაქვეითებულ ადამიანებთვის.
2017 წლის 4 სექტემბრიდან ცენტრალური საარჩევნო კომისიამ საინფორმაციო/სატელეფონო ცენტრში ყრუ და სმენადაქვეითებულ ამომრჩევლებს ვიდეოზარის სერვისი ინფორმაციის მიღების მიზნით დანერგა, რაც გულისხმობს ჟესტურ ენაზე საარჩევნო პროცედურებთან დაკავშირებით ინფორმაციის მიღებას. მათ ასევე შეუძლიათ გადაამოწმონ, როგორც საკუთარი, ასევე ოჯახის წევრების მონაცემები და მისამართი ამომრჩეველთა ერთიან სიაში.
შეხვედრაზე მოწვეულმა სპიკერებმა ცესკოს კოორდინაციის, დაგეგმვისა და ანგარიშგების დეპარტამენტის უფროსმა სოფიო სიჭინავამ, ყრუთა კავშირის პრეზეიდენტმა ამირან ბატატუნაშვილმა და კახეთის რეგიონის ჟესტური ენის თარჯიმანმა მაია რაზმაძემ დამსწრე აუდიტორიას გააცნეს ვიდეოზარის სერვისის მუშაობის პრინციპი.
შეხვედრის მაზანს წარმოადგენდა ყრუ და სმენადაქვ ეითებულ ადამიანების ინფორმირება ვიდეოზარის სერვისის შესახებ, რათა ხელი შეეწყოს სმენადაქვეითებულ ადამიანებს არჩევნებში სრულფასოვნად ჩართულობას.
შეხვედრას ესწრებოდნენ კახეთის რეგიონის შეზღუდული შესაძლებლობების მქონე პირთა საკითხებზე მომუშავე ჯგუფის წევრები, ყრუთა კავშირის წევრები და მედია საშულებების წარმომადგენლები.
შემდეგ, ინდივიდუალურად მოხდა კომპიუტერის დახმარებით ბენეფიციართა რეგისტრაცია ცეესკოს საიტზე

მოგესალმებით. აგვისტო ცოტა პასიური აღმოჩნდა ჩვენი აქტივობებისათვის, მაგრამ მაინც შევძელით რაღაც სიახლე შეგვეტანა ჩვენი ბენეფიციარებისათვის. გავაცანით პაციენტთა უფლებების შესახებ კანონის და ცხელი ხაზის 2 103 003 ნომერი . მათ კომპიუტერში ნახეს და ჟესტურ ენაზე უთარგმნეთ მისი მნიშვნელობის და გამოყენების საშუალებები.
ასევე ოჯახური ძალადობის შესახებ გადავეცით ინფორმაცია, ცხელი ხაზის ნომერი 116006 და ფლაიერები, რომლებიც ბენეფიციარებს გადაეცათ. ძალიან საინტერესო თემები და სიახლეები აღმოჩნდა მათთვის.

მოგესალმებით, მინდა გადმოგცეთ ის აქტივობები რაც ამ ორი კვირის განმავლობაში მოხდა. ყოველ შეხვედრას საინფორმაციო გამოშვების თარგმნით ვიწყებთ. ყოველი ახალი ინფორმაციის მიწვდა, შეჩერებებით და აზრთა გაცვლაგამოცვლით გრძელდება. ამ ადამიანებს გაუჩნდათ საინტერესო სასაუბრო მასალა. ყველა აღნიშნავს ამ ახალი აქტივობა მათთვის ძალიან სასიამოვნოა, უკვე იციან რა ხდება დღეს ქვეყანაში, ინტერესი უჩნდებათ სხვა გადაცემის თარგმნის და როგორც არ უნდა უჩვეულოდ მოგეჩვენოთ, სერიალისაც. თუმცა ეს შემდეგი შეხვედრებისათვის გადავდეთ.
შემდეგი ჩვენი შეხვედრა უფრო პროდუქტიული იყო, რადგან იყო საუბარი დასაქმების საკითხებზე.რაც მათთვის ძალიან მტკივნეული თემაა.ვიპოვეთ ინტერნეტის მეშვეობით, რამდენიმე ახალი სამუშაო ადგილი, სადაც დავრეკეთ და ვფიქრობ შევძლებთ მათ დასაქმებასაც კიი. აუცილებლად გაცნობებთ მოსალოდნელ სასიამოვნო სიახლეებს და სურათებს, მათი ახალი სამუშაო ადგილებიდან

მოგესალმებით. მინდა გამოვხატო დიდი მადლიერება და სიხარული რაც გამოიწვია ჩემი იდეის დაფინანსებამ. მადლობას ვუხდი ,,ორბელიანი საქართველოს"
კახეთის ყრუ და სმენადაქვეითებული ადამიანის სახელით. მინდა გადმოგცეთ ის ემოცია რაც გამოიწვია ლეპტოპის მიტანამ ყრუთა კავშირის კლუბში.
ჩვენი შეხვედრის პირველი დღე შეეხებოდა ამ სასიხარულო ინფორმაციას და წარდგენას თქვენი ორგანიზაციის.მოგეხსენებათ რომ ეს ადამიანები, რომლებიც ინფორმაციულ ვაკუუმში ცხოვრობენ , თითოეული ახალი ინფორმაცია და განსაკუთრებით ასეთი დიდი პოზიტიური ცვლილება ორმაგად გასახარებელია. ძალიან გაიხარეს და დავსახეთ გეგმა, რომ ჩვენი არც ერთი შეხვედრა არ იყოს მხოლოდ სოციალურ პრობლემებზე, ეს იქნება ინფორმაციის მიღების და გადაცემის კარგი საშუალება. მათი სახეები იმედით და სიხარულით გაივსება. რაც პირველივე შეხვედრაზეც ნათლად გამოიხატა.