კინემატოგრაფია ახალგაზრდებისთვის
ქვემო ქართლი, რუსთავი,
1664 Comments: 8
Goals
Problem statement:
ადრეული პერიოდიდან რომ დავიწყოთ, საქართველო საბჭოთა კავშირში იყო ერთ-ერთი იმ ქვეყნებიდან, რომელიც ხარისხიან და საინტერესო ფილმებს ჰქმნიდა. უსამართლო იქნება, თუ არ აღვნიშნავთ იმასაც, რომ დღეს, ჩვენი ქვეყანა, ბევრი გამოწვევის წინაშეა, ნელ-ნელა, თუმცა მაინც უახლოვდება მსოფლიო კინოს იმ მაღალ სტანდარტებს, როგორიცაა ევროპის წამყვან ქვეყნებსა და ამერიკაში. არგუმენტად მოვიყვან იმას, რომ გასულ წლებში, ჩვენი ქვეყნის ფილმი ნომინირებული იყო "ოქროს გლობუსსა" და "ოსკარზე". თუმცა, ქართული ფილმი უფრო დიდი შემართებითა და ბევრად ნაკლები ბიუჯეტით კეთდება, ვიდრე უცხოური.
ვთვლი, რომ კინოხელოვნება უფრო მაღლა უნდა იდგეს, ვიდრე დღესაა. ვიცნობ ძალიან ბევრ ჩემ თანატოლს, ახალგაზრდას, ვისაც მიდრეკილება აქვს ფილმებისა თუ ვიდეორგოლების კეთებისკენ, თუმცა უმეტესად , სურვილი სურვილად რჩება და უბიუჯეტობისა და აპარატურის გარეშე ვერაფერს ახერხებს. მეც ამ სეგმენტის წარმომადგენელი ვარ, მიყვარს არსებული რეალობის მატერიალიზაცია, გადაღებები და ის ატმოსფერო, რასაც ჩემი ფილმები ქმნის. თუმცა, თვეებით ადრე გაწერილი ფილმის გადაღება იწელება, რადგან ძალიან მიჭირს მოკლემეტრაჟიანი კინოსთვის საჭირო აპარატურის შოვნა.
რუსთავში ძალიან ბევრი ახალგაზრდაა, რომელიც ხელოვნებითაა დაინტერესებული. ამ კონკრეტული პროექტით, ყურადღება გამახვილებული იქნება კინემატოგრაფებსა და მომღერლებზე (მომღერლები ისარგებლებენ აუდიო ტექნიკით და ვიდეო ტექნიკით სურვილის შემთხვევაში).
ამრიგად, ვფიქრობ, რომ ისეთი სივრცის შექმნა, სადაც თითოეული რუსთაველისთვის იქნება აპარატურა ხელმისაწვდომი, ქალაქისთვის ძალიან დიდი პლუსი იქნება.
რას გააკეთებთ ამ ცვლილების მისაღწევად?
ვფიქრობ, რომ ახლა იმ ასაკში ვარ, რომ საქმის გულწრფელი სიყვარული ზენიტშია. ძალიან მიყვარს ის საქმე, რასაც 15 წლიდან ვაკეთებ- კინემატოგრაფია. იმ შემთხვევაში, თუ ჩემი პროექტი დაფინანსდება, შევიძენ კინოს/ვიდეორგოლის გადასაღებად საჭირო აპარატურას: კამერას, მიკროფონს, ლინზას, განათებას და აქსესუარებს (სტაბილიზატორი, დამჭერი, დიალოგის ჩამწერი, და ა.შ)(რადგანაც (პირობითად ავიღოთ) 5,000-6,000 ლარი არ იქნება საკმარისი ყველა საჭირო ტექნიკის შესაძენად, შესაძლებელია ჩვენი ჯგუფის პირადი საკუთრების გამოყენება ამ ძალიან კარგი საქმისთვის: შტატივი, დამატებითი კამერა, რეფლექტორი და დიალოგის მიკროფონები) წინასწარი შეთანხმებით, თითოეულ მსურველს, მოტივირებული მოთხოვნის საფუძველზე, გადაეცემა ტექნიკა, იმ პირობით, რომ რაიმის დაზიანების შემთხვევაში, თავად აანაზღაურებს (ეს ყველაფერი სამართლებრივ ნორმებში მოგვარდება). ასევე, მე ვარ ახალგაზრდა კინოშემოქმედთა ჯგუფის "Young Creators"-ის დამფუძნებელი. ჩვენი რამდენიმე წლიანი გამოცდილება, სხვადასხვა საერთაშორისო კინოფესტივალზე ასპარეზობა (მათ შორის ერთ-ერთ პრესტიჟულ ფრანგულ კინო-ფესტივალზე) გვაძლევს იმის თქმის საშუალებას, რომ ჩვენ კინოხელოვნებით დაინტერესებულ ახალგაზრდებს შევთავაზებთ ლექციური თუ პრაქტიკული ტიპის შეხვედრებს, სადაც მათ ვასწავლით კამერისა და აქსესუარების სწორ გამოყენებას, განათების სწორ შერჩევას, კინოს ფუნდამეტურ წესებს, მონტაჟს და ა.შ. მსურველებთან გვექნება შეხვედრები კვირაში ერთი დღე. (შეხვედრის ადგილად განვიხილავთ რუსთავის "ამერიკულ კუთხეს", სადაც ამჟამად ვკითხულობ ლექციებს ფსიქოლოგიაზე (რომელიც დიდი სიამოვნებით ითანამშრომლებს ჩვენთან) ან გ.ლორთქიფანიძის სახელობის რუსთავის თეატრი, სადაც, ვფიქრობ, რომ მერიასთან მოლაპარაკებების საფუძველზე, მოგვცემენ უფლებას, რომ კვირაში ერთი დღე გამოვიყენოთ მცირე დარბაზი შეხვედრებისთვის.) პროექტის დაფინანსების შემთხვევაში, აპარატურის შეძენის შემდგომ, ფეისბუქზე გავაკეთებთ რეკლამას (რომელსაც სავარაუდოდ 500 ლარს მოვახმართ, იმისათვის, რომ რუსთავის მასშტაბით ახალგაზრდათა დიდ ნაწილამდე მივიდეს), რომლითაც ჩვენ პროექტს ყველასთვის ხელმისაწვდომს გავხდით. რა იქნება რუსთავის სარგებელი? იმის გარდა, რომ კინოხელოვნებით დაინტერესებულ ნებისმიერ რუსთაველ ახალგაზრდას, საშუალება ეძლევა ისარგებლოს და სურვილის შემთხვევაში ისწავლოს კინო, საიმიჯო, "cover", სარეკლამო თუ სხვა სახის ვიდეო გადაღება და ადეკვატური მონტაჟი, პირადად მე, ჩემს ჯგუფთან ერთად, ვიღებ პასუხისმგებლობას, რომ შევქმნით საიმიჯო ვიდეო-რგოლებს რუსთავზე. უფრო კონკრეტულად რომ გითხრათ, რადგანაც უახლოეს მომავალში მოდის ახალი წელი, პროექტის დაფინანსების შემთხვევაში ჩემს ჯგუფთან ერთად გადავიღებ ძალიან პოზიტიურ ვიდეოს იმაზე, თუ როგორ ემზადება რუსთავი ახალი წლისთვის და როგორი განწყობაა ქალაქში, რაც დიდ წვლილს შეიტანს მოსახლეობის განწყობის ამაღლებაში, და ვფიქრობ, რომ ერთ-ერთი ყველაზე დიდი სარგებელი ადამიანებისთვის, ინფრასტრუქტურაზე წინ მდგომი- ემოციური ბენეფიტია, ის პოზიტივი, რომლის ქალაქში გაღვივებაც შეგვიძლია. ჩვენი ჯგუფი ყოველთვის ზრუნავდა რუსთავში სასიამოვნო ატმოსფეროს შექმნაზე. მაგალითისთვის მომყავს ვიდეო, რომელიც რუსთავის წარმატებულ ახალგაზრდებზე გადავიღეთ, რომელმაც ფეისბუქზე 20,000+ ადამიანს მიაღწია და რომელიც, რუსთავის მერიის წინ მდებარე მონიტორზე გადიოდა ერთი კვირის განმავლობაში (ვიდეოს სანაცვლოდ არანაირი ჰონორარი არ აგვიღია, მე და ჩემმა ჯგუფმა დამღლელი ათი დღე მოვახმარეთ ვიდეოს შექმნას): https://www.youtube.com/watch?v=diK0sDWqT-g&t=8s "სამომავლო" პერსპექტივაში, მას შემდეგ, რაც ჩვენ ქალაქში მცხოვრებ ადამიანებს საშუალება მიეცემათ თავიანთი აზრების მატერიალიზაციისა, გაზაფხულისთვის, შესაძლებელია "კინო-ფესტივალის" მოწყობა, სადაც რუსთაველი ნიჭიერი ახალგაზრდების ნამუშევრები იქნება წარმოდგენილი.
ვინ განკარგავს შესყიდულ ნივთებს ინიციატივის დასრულების შემდეგ?
ახალგაზრდა კინოშემოქმედთა ჯგუფის "Young Creators"-ის სახელით, სრულ პასუხისმგებლობასა და მზაობას გამოვთქვამ პროექტის წარმატებით განხორციელებისათვის საჭირო თითოეულ ნიუანსზე. აპარატურა იქნება აბსოლიტურად საჯარო, რადგანაც პროექტი გრძელვადიანია, აპარატურა იმ პერიოდში, როცა არ ეყოლება მსურველი, დარჩება ჩვენთან, სადაც შეინახება უსაფრთხო და დაცულ ადგილას, მიექცევა შესაბამისი ყურადღება (ობიექტივისა თუ "body"-ს გაწმენდა სპეციალური ხსნარებით და ა.შ) იმ პერიოდში, როცა აპარატურა ექნებათ კინოხელოვნებით დაინტერესებულ ადამიანებს, მათთან გაფორმდება ხელშეკრულება, რომლის თანახმადაც დაზიანების შემთხვევაში პასუხისმგებელი პირი აანაზღაურებს ზარალს.
რამდენად თანაბრად ისარგებლებენ ქალები და კაცები შედეგად?
სარგებელი ორივე სქესისთვის აბსოლიტურად შეუზღუდავია. ჩვენი პროექტი ითვალისწინებს გენდერულ ბალანსს, ამრიგად, ორივე სქესის წარმომადგენელს, თანაბარი უფლება ექნებათ, რომ აპარატურითა თუ ლექციური/პრაქტიკული შეხვედრებით მიიღონ სარგებელი.
Recommendations
Reviewer 1
არ ჩანს იმ აღჭურვილობის ჩამონათვალი, რაც ესაჭიროება პროექტის განხორციელებას. პრობლემის აღწერაში აღნიშნულია ნაწილობრივ.Items Needed
Item | აღწერა | Vendor Info | Total | Purchased? |
ონლაინ მაღაზია BE.GE
თბილისი, ა. წერეთლის 116, დიდუბე პლაზა, ოფისი 202, 0119 https://www.be.ge/contacts.html (+995 32) 2 550 800 |
4 069,00 ₾ | |||
მიკროფონის ჯოხი | Microphone stick |
amazon.com | Official shop
-- (888) 280-3321 |
115,00 ₾ | |
კამერის სტაბილიზატორი | Camera stabilizer |
amazon.com | Official shop
-- (888) 280-3321 |
135,00 ₾ | |
კამერის ლინზა Canon EF 50mm f/1.8 STM Lens | Camera lens |
amazon.com | Official shop
Address: Amazon.com, Inc. Customer Service PO Box 81226 Seattle, WA 98108-1226 (888) 280-3321 |
440,00 ₾ | |
ტრანსპორტირების სავარაუდო ჯამური ღირებულება ამაზონიდან | d |
--
-- -- |
150,00 ₾ | |
მწვანე ეკრანის სტუდია, განათებები | w |
amazon.com | Official shop
-- (888) 280-3321 |
385,00 ₾ | |
რეკლამა ფეისბუქზე | f |
www.facebook.com
|
500,00 ₾ |
Similar Initiatives
Activity See All Activity
შესვლა first to add your own comment.Comments