Goals

Problem statement:

სამტრედიის დენდროლოგიური პარკის რეაბილიტაცია მნიშვნელოვანია რამდენიმე თვალსაზრისით: პირველი - არსებული ბუნებრივი პირობების შენარჩუნება და ამ პარკის ორმოცწლიანი ისტორიის შენახვა, გაფრთხილება და აღდგენა, ახალი სიცოცხლის მინიჭება მისთვის.
უკანასკნელი ათი წელიწადია ეს პარკი გაუდაბურებულია. თუმცა შენარჩუნებულია მისი ძირითადი იერ - სახე, რომელიც წარსულში ჰქონდა და ფუნქციონირებდა სხვადასხვა დანიშნულებით. დღემდე დაცული და შენახულია უნიკალური ჯიშის ხეები (მათ შორის წითელ წიგნში შეტანილი): ჭაობის კვიპაროსი, იაპონური ნეკერჩხალი, ტიტას ხე, აკაკის ხე, სექვოია, ვერცხლისფერი ფიჭვი, მარადმწვანე მუხა,საპნის ხე, წითელი თხილი,ორღალანი, წაბლის 15 განსხვავებული ჯიში და სხვა; აღსანიშნავია, რომ პარკი შემოსაზღვრულია ცოცხალი ღობით - 600-ზე მეტის ალვის ხით, რომელიც ქარსაცავიცაა აღნიშნული პარკისათვის. აქ გამოჰყავდათ ნერგები; შესაძლებელი იყო სასწავლო ექსკურსიების მოწყობა და მცირე ექსპერიმენტების ჩატარება ( საველე გაკვეთილებიც კი).
პარკის აღდგენის შემთხვევაში მოსწავლეებს ჩამოუყალიბდებათ ბუნებასთან ურთიერთობის უნარ-ჩვევები, ეკოლოგიური კულტურა, ურთიერთთანამშრობლით პრობლემების გადაჭრის გზების ძიების უნარები. გააცნობიერებენ, რამდენად საჭიროა თითოეული ადამიანის პატრიოტიზმი ქვეყნის წარმატებისთვის.

Proposed Solution:

ამჟამად შესაძლებელია, რომ სარეაბილიტაციო რესურსით აღდგეს პარკის ფუნქცია და ვფიქრობთ, რომ მოდერნიზების შემთხვევაში 3 ჰექტარზე გადაჭიმული პარკის ნაწილში განახლდება მისი სასწავლო პრაქტიკული და ექსპერიმენტული ფუნქცია, ნაწილი კი გახდება საზოგადოებისათვის დასვენებისა და კულტურის სფეროს თვალსაზრისით მნიშვნელოვანი, კერძოდ, მოეწყობა სხვადასხვა ღონისძიება. რადგან ეს ტერიტორია მდებარეობს ცხენისწყლის ნაპირას, აჩენს ეკოტურიზმის განვითარების ახალ პერსპექტივას. შესაბამისად, ეს გამოიწვევს ახალი სამუშაო ადგილების გაჩენის შესაძლებლობას. მეორე მხრივ, მიკროსანერგე მეურნეობა აღდგება და გახდება ხელმისაწვდომი და გამოსაყენებელი მოსახლეობისათვის. ასევე მნიშვნელოვანია ეკოლიგიური თვალსაზრისით, კერძოდ, ფაქტობრივად , პარკის გარეშე დარჩენილი ქალაქის მოსახლეობა შეძლებს დასვენებას და იცხოვრებს ჯანსაღი ცხოვრებით; ეს იქნება ერთგვარი ფილტვი ქალაქისთვის,რომელიც ურბანისტული პრობლემის წინაშე დგას. პარკის რეაბილიტაციისათვის ჩატარდება შემდეგი აქტივობები:
1. საზოგადოებისა და სკოლების ინფორმირების მიზნით შეხვედრები, ბუკლეტების გამოცემა;
ინფორმაციის განთავსება სოციალურ ქსელში;
2. აღნიშნულ პროექტში მოხალისეობრივ საწყისებზე სხვადასხვა სკოლის მოსწავლე გოგონათა და ვაჟთა
ჩართვა;
3. ერთობლივად შიდა ტერიტორიის გასუფთავება, გაწმენდა დამხმარე მუშის დახმარებით
4. 300 მეტრი ღობის აღდგენა;
5. შესასვლელი ჭიშკრის შეკეთება-შეღებვა;
6. შიდა ინფრასტრუქტურის კეთილმოწყობა;
7. ეკოკლუბის - ,,ხეთა მონაღვლენი“- დაფუძნება
აღნიშნული პროექტის გამარჯვების შემთხვევაში სამტრედიის მუნიციპალიტეტის გამგეობა მზად არის აქტიურად ჩაერთოს პროექტის წარმატებით განხორციელებასა და შემდგომ მდგრადობაში. მუნიციპალიტეტის შესაბამისი სამსახური იღებს ვალდებულებას მატერიალური ინვენტარისა და რეაბილიტირებული პარკის დაცვაზე.

Sustainability:

ამ იდეის განხორციელების შემთხვევაში შედეგად მივიღებთ კეთილმოწყობილ, ეროვნული მნიშვნელობის პარკს, უნიკალური ჯიშებითა და სახეობებით, განახლებულ და გაუმჯობესებულ ქალაქის ,,ფილტვს", დასვენებისა და სასწავლო მნიშვნელობის მქონე პარკს, რომლითაც ერთობლივად ისარგებლებენ ადგილობრივი მოსახლეობა და ტურისტები. მოდერნიზებულ სანერგე მეურნეობას მიეცემა ფართო მასშტაბი გამოყენების თვალსაზრისით, კერძოდ, იმერეთის (არა მარტო იმერეთის) რეგიონის მოსახელობას მიაწვდის იშვიათი ჯიშის სხვადასხვა მცენარეს.

Equal gender opportunity:

აღდგენილ პარკში რეგულარულად ჩატარდება ეკოკლუბის მიერ ინიცირებული ღონისძიებები, პარკის პერიოდული დასუფთავება სკოლებისა და საზოგადოების თანამშრომლობით, სასწავლო-საველე გაკვეთილები და გაკვეთილი-ექსკურსიები, სხვადასხვა მოქმედ ეკოკლუბებთან თანამშრომლობა გამოცდილების გაზიარების მიზნით