Goals

Problem statement:

გარემოსდაცვითი ცნობიერების ამაღლება სასკოლო თემის განვითარების ერთერთი პრიორიტეტია. საკითხის აქტუალობა როგორც გლობალური, ისე ლოკალური მასშტაბით ეჭვს არ იწვევს, სწორედ ამიტომ ბოლო წლების ეროვნულ სასწავლო გეგმაში გარემოსდაცვითი წიგნიერება ერთერთ გამჭოლ კომპეტენციად მოიაზრება. საკითხის გააზრებისას ყურადღება უნდა მიექცეს არა მხოლოდ პრობლემატიკის იდენტიფიცირებას, არამედ უნდა შეირჩეს გადაწყვეტის გზები თითოეული მოქალაქის პირადი პასუხისმგებლობისა და აქტიურობის გააზრებით. ყველამ უნდა გავითავისოთ ჩვენი კონკრეტული წვლილი ეკოლოგიური პრობლემების მოგვარებაში. ამ საკითხების ირგვლივ არიან გაერთიანებული სსიპ ქალაქ წალკის N1 საჯარო სკოლის ეკოკლუბელები, რომელთაც აქვთ ეკოპროექტებში მონაწილეობის დიდ გამოცდილება. დავგეგმეთ და თემთან ერთად განვახორციელეთ მრავალი პროექტი, რომელთა მიზანიც იყო გადემოსდაცვითი ცნობიერების ამაღლება, პრობლემების გარშემო მობილიზება და ქმედითი ღონისძიებების გატარება ამ პრობლემების მოსაგვარებლად.
თქვენი ორგანიზაციის მიერ შემოთავაზებული საგრანტო კონკურსი კიდევ ერთხელ მოგვცემს საშუალებას, თემთან ერთად გავიაზროთ გარემოსდაცვითი აქტივობების მნიშვნელობა, შევქმნათ ეკოკლუბში ბაზა, სადაც შევძლებთ მცირე სანერგე მეურნეობის დაფუძნებას და ჩვენი გამოყვანილი ნერგებით ქალაქის დასასვენებელი პარკის, საბავშვო ბაღისა და სკოლების მიმდებარე ტერიტორიების, სხვა რეკრეაციული ზონების მოწყობას. მნიშვნელოვანია, რომ ყველა აქტივობებში ჩავრთავთ თემის წევრებს, მათ შორის, პატარებსაც, რათა ადრეული ასაკიდანვე მოხდეს მათი დაინტერესება ეკოლოგიური პრობლემებით. სანერგეს აქტიურად გამოვიყენებთ სასწავლო პროცესშიც, რაც სწავლის პროცესს უფრო საინტერესოსა და სახალისოს გახდის. შედეგად ამაღლდება მთელი თემის გარემოსდაცვითი ცნობიერება და გადაიდგმება ქმედითი ნაბიჯი ჯანსაღი გარემოს შესაქნმელად ქალაქში.

Proposed Solution:

მოვახდენთ სასკოლო თემისა და ეკოლუბის წევრთა ინფორმირებას პროექტის შესახებ. შეირჩევა გუნდი, რომელიც კოორდინაციას გაუწევს ყველა შესასრულებელ აქტივობას. შევიძენთ პროექტის განხორციელებისათვის საჭირო ნივთებს. ეკოკლუბის წევრები გაემგზავრებიან ახალციხის მუნიციპალიტეტის სოფელ აწყურში, სადაც იქაურ ეკოკლუბელებთან ერთად მოიპოვებენ ვერცხლისფერი ნაძვების თესლს და გაიზიარებენ აწყურელების გამოცდილებას ნაძვის ნერგების გამოყვანისა და მოვლის კუთხით, გაცვლიან ინფორმაციებს საკლუბო მუშაობის შესახებ (ჩვენს კლუბს აქვს დამყარებული კომუნიკაცია აწყურის ეკოკლუბის ხელმძღვანელთან და მიღებული აქვს დახმარების შემოთავაზება). საჯარო აქციაზე, სადაც მოწვეული გვეყოლება თემის წარმომადგენლები, მუნიციპალიტეტის ხელმძღვანელი პირები და საგანმანათლებლო რესურსცენტრის წარმომადგენლები, პატარებთან ერთად მოხდება ვერცხლისფერი ნაძვის თესლის ჩათესვა ქოთნებში. შემდგომ პერიოდში ეკოკლუბის წევრები და სკოლის მოსწავლეები ბუნების გაკვეთილისას იზრუნებენ ნერგების მოვლაზე (კულტივაცია, მორწყვა). მას შემდეგ, რაც ნერგები მიაღწევს სასურველ ზომას, მოხდება მათი დაგარგვა გრუნტში. ლოკაციები შეირჩევა თვითმმართველობის შესაბამის სამსახურებთან შეთანხმებით. აქცენტი გაკეთდება საგანმანათლებლო დაწესებულებებსა და სარეკრეაციო ზონებზე. პროექტის ყველა აქტივობას გავაშუქებთ სკოლის ფეისბუკგვერდსა და ადგილობრივ პრესაში.
ჩვენი პროექტი დაეხმარება თემს გარემოსდაცვითი ცნობიერების ამაღლებაში, მოსწავლეებს უკეთ შეეძლებათ ბუნების გაკვეთილებზე მისაღწევი მიზნების მიღწევა, გალამაზდება და გაჯანსაღდება გარემო, რაც სარგებელს მოუტანს მთელს თემს.

Sustainability:

პროექტის მდგრადობას განაპირობებს მისი ხანგრძლივი შედეგი და სამომავლოდ ეკოკლუბის ბაზაზე შექმნილი სანერგის პერმანენტული მუშაობა(შემდგომში თელსის მოპოვებას საკუთარი სანერგიდან შევძლებთ). მას შემდეგ, რაც თემი დაინახავს პროექტის სიკეთეს, გაიზრდება მხარდაჭერა და დახმარება. პროექტის ფარგლებში შეძენილი ნივთები გადაეცემა სკოლის ეკოკლუბს, რომელიც ყველაზე ქმედითად იქნება ჩართული პროექტის განხორციელების ყველა ეტაპზე და რომლის წევრებმაც კარგად იციან გარემოცდაცვითი პროექტების მნიშვნელობა. სამომავლოდ, შესაძლებელია სანერგეს გაფართოვება საკუთარი შემოსავლის საშუალებით.

Equal gender opportunity:

პროექტში გენდერული თანაფარდობა იქნება დაცული.