Goals
Problem statement:
მრავალი კვლევის შედეგები ცხადყოფს, რომ უმცირესობების (ეთნიკური, რელიგიური, სოციალური და ა.შ.) წარმომადგენელი ქალები და გოგონები ხშირად აწყდებიან სხვადასხვა ფორმის დისკრიმინაციას და მათ ნაკლებად მიუწვდებათ ხელი განათლებაზე, რეგულარულ ანაზღაურებად სამსახურზე, ჯანმრთელობის დაცვისა და იურიდიულ მომსახურებაზე, არა აქვთ საზოგადოებრივ ცხოვრებაში და გადაწყვეტილებათა მიღებაში მონაწილეობის შესაძლებლობა.
პრობლემების უმეტესობა გამოწვეულია სახელმწიფო ენის არცოდნისა და ადათ-წესების გამო. გოგონათა და ქალთა მდგომარეობას ძირითადად მათი სქესი განსაზღვრავს. გამონაკლისი არც ლაგოდეხის მუნიციპალიტეტში მცხოვრები ეთნიკურად აზერბაიჯანელი მოსახლეობაა. აქ გოგონების უმრავლესობა სკოლაში მხოლოდ 9 კლასის ჩათვლით დადის. მნიშვნელოვან როლს თამაშობს ოჯახი, რომელიც ვერ ხედავს უფრო მაღალი დონის განათლების გამოყენების პერსპექტივას.
ლაგოდეხის მუნიციპალიტეტის კაბლის თემში ოთხი სოფელი და ხუთი სკოლაა, მათ შორის მხოლოდ ორი სკოლაა 12 წლიანი, დანარჩენი სამი სკოლის მოსწავლეთა უმრავლესობა განათლების მიღების შესაძლებლობის მიღმა რჩება, რადგან გვერდით მდებარე სოფლებიდან ახალგაზრდების, განსაკუთრებით, გოგონათა მიმოსვლა 12 წლიან სკოლებში თითქმის შეუძლებელია. ამ ფაქტს რამდენიმე მიზეზი აქვს: ტერიტორიული სიშორე, მშობლების მხრიდან გოგონათა შეზღუდვა და ნაადრევი ქორწინებების ტრადიცია. გოგონებს ხშირად უთქვამთ, რომ მათი სოფლის ქუჩებში გოგო თუ მარტო მიდის, მას როგორც „არაპატიოსანს" ისე უყურებენ.
წლების წინ არსებული მდგომარეობა გაცილებით სავალალო იყო, უნდა აღინიშნოს, რომ აზერბაიჯანულ სკოლებში ქართველ მასწავლებელთა დასაქმებამ, არასამთავრობო ორგანიზაციების მუშაობამ, მნიშვნელოვანი როლი შეასრულა სტიგმატიზაციისა და სტერეოტიპული დამოკიდებულების შემცირებაში, თუმცა პრობლემა კვლავ აუღებელ ციხე-სიმაგრედ რჩება. ყოველი ერთი აგურის დამატებით, ჩვენ შევძლებთ ჯანსაღი საზოგადოების აშენებას!
ინტეგრაციის პრობლემაც ერთ-ერთია ბუმბერაზ პრობლემებს შორის. სწორედ მისგან არის გამოწვეული ეთნიკური უთასწორობის შეგრძნება, სახელმწიფო ენის არცოდნა, განსხვავებულის მიუღებლობა და სტიგმატიზაცია.
Proposed Solution:
ორბელიანის საგრანტო კონკურსში გამარჯვების შედეგად, შევძლებთ იმ სასიცოცხლოდ მნიშვნელოვანი ერთი აგურის დადებას თანასწორუფლებიანი საზოგადოების მშენებლობაში!
ჩვენი გეგმა არის შემდეგი:
1. გვსურს, გავაკეთოთ მოლაშქრეთა კლუბი და საქართველოს სხვადასხვა კუთხეში თუ მუნიციპალიტეტში ქართველ ახალგაზრდებთან ერთად მოვაწყოთ ტურები/პიკნიკები/ბანაკები. ეს ხელს შეუწყობს ინტეგრაციის პრობლემის მოგვარებას და ქართველ ახალგაზრდებთან ურთიერთობა ბუნებრივად გამოიწვევს სახელმწიფო ენის ცოდნის გაუმჯობესებას.
ყველა ახალ ჯგუფთან, რომელიც შეიქმნება ხოლმე ტურებში წასვლის წინ, გვექნება საინფორმაციო შეხვედრები და ექსკურსანტებს წინასწარ გავაცნობთ იმ ადგილებს, რის მონახულებასაც ვაპირებთ, ეს ხელს შეუწყობს საქართველოს ისტორიის, გეოგრაფიისა და კულტურის შესწავლას, ასევე შევასწავლით სალაშქრო ინვენტარის გამოყენებას. გვაქვს იმედი, რომ საქართველოს სხვადასხვა კუთხეების მონახულება, ღისშესანიშნავი ადგილების დათვალიერება და ხალხთაშორის ურთიერთობების დამყარება აამაღლებს ეროვნულ თვითშეგნებას ჩვენს რაიონში მცხოვრები ეთნიკური უმცირესობების წარმომადგენლებში.
გვეყოლება მოხალისე გიდი, ისტორიკოსი და გამოცდილი მოლაშქრე ვალერი ოღიაშვილი, თანადგომის შესახებ დასტური მისგან უკვე გვაქვს.
დაფინანსების შემთხვევაში თქვენი ორგანიზაციის ბიუჯეტით შევიძენთ სალაშქრო ინვენტარს და დავაფინანსებთ ტურს დავით-გარეჯში, ხოლო პანკისში ექსკურსიისთვის საჭირო ტრანსპორტსა და საწვავს გამოგვიყოფს ლაგოდეხის ახალგაზრდობის საქმეთა და სპორტის განვითარების ცენტრის ხელმძღვანელი ბაჩო ხაჩიძე.
2. შევქმნით კინო-კლუბს და პროექტის ფარგლებში გაშვებული ფილმები იქნება ქალთა თემატიკაზე. მაგ: სორაიას ჩაქოლვა, უდაბნოს ყვავილი, ასმა, ახლა საით წავიდეთ..
3. პროექტის ფარგლებში მოვაწყობთ ერთ სადისკუსიო შეხვედრას კაბლის თემში მცხოვრებ ახალგაზრდა ქალებთან და გოგონებთან და განვიხილავთ სამართლებრივ მიდგომებს შემდეგ საკითხებთან: ნაადრევი ქორწინება, ოჯახური ძალადობა. შეხვედრას გაუძღვება ძალადობისაგან დაცვის ეროვნული ქსელის ლაგოდეხის კომიტეტის ხელმძღვანელი ევა ლომთაძე და სახალხო აპარატის წარმომადგენელი ლაგოდეხში, იურისტი ეკა გოგაშვილი.
Sustainability:
ექსკურსიები, ლაშქრობები, პიკნიკები და მსგავსი სათავგადასავლო სიტუაციები იწვევს სტიგმების, სტერეოტიპებისა და გაუცხოვების გაქრობას ადამიანებს შორის! ეს ჩვენი პროექტის მთავარი მიზანია! და ვფიქრობთ, რომ მოლაშქრეთა კლუბის შექმნით ინტეგრაციის პრობლემის გადაწყვეტაში მნიშვნელოვან წვლილს შევიტანთ.
ქალთა საკითხებზე გაშვებული ფილმები ახალგაზრდებში, განსაკუთრებით გოგონებში გააჩენს ჯანსაღ პროტესტს იმ წესებთან და შეზღუდვებთან დაკავშირებით, რაც საზოგადოების მხრიდან იჩენს ხოლმე თავს მათი მისამართით. ფილმის ჩვენებებს თან მოვაყოლებთ მცირე დისკუსიას, რათა ყოველ ჯერზე გამოიკვეთოს, თუ როგორ აღიქვა აუდიტორიამ ფილმში გადმოცემული სიუჟეტი.
შეხვედრას გენდერის საკითხებთან დაკავშირებით დაესწრებიან თემში მცხოვრები ბიჭები და ახალაგზრდა მამაკაცები. ეს შესაძლებელს გახდის, ვიმუშავოთ უშუალოდ პრობლემის პოტენციურ წყაროსთან.
პროექტის ფარგლებში შეძენილ ინვენტარს და ტექნიკას გამოვიყენებთ პროექტის დასრულების შემდეგაც, ფილმის ჩვენებები თვეში ორჯერ გაიმართება ხოლმე კაბლის თემში, ლაშქრობების მოწყობას კი თვეში ერთხელ მოვახდენთ ხოლმე.
Equal gender opportunity:
მოლაშქრეთა კლუბის წესდების ყველაზე მნიშვნელოვანი პირობა იქნება გოგონათა უმრავლესობა ტურში წამომსვლელთა შორის!
ქალთა თემატიკაზე გაშვებული ფილმების დროს აუდიტორის მონაწილეები, გოგონებთან ერთად, ასევე იქნებიან ვაჟებიც.
შეხვედრას გენდერის საკითხებთან დაკავშირებით დაესწრებიან თემში მცხოვრები ბიჭები და ახალაგზრდა მამაკაცები. ეს შესაძლებელს გახდის, ვიმუშავოთ უშუალოდ პრობლემის პოტენციურ წყაროსთან.
Items Needed
Item | აღწერა | Vendor Info | Total | Purchased? |
10 Paraloni | land sleep |
Nika Chomakhashvili
Tbilisi Saakadze square 551 54 22 49 |
250,00 ₾ | |
პროექტორი | for films screening |
Alika Gelashvili
Lagodekhi Kostava street 593 63 22 70 |
900,00 ₾ | |
10 Sleeping bag | for sleeping |
Nika Chomakhashvili
Tbilisi Saakadze square #10 magazin 551 54 22 49 |
700,00 ₾ | |
5 tent | for camp |
Nika Chomakhashvili
Tbilisi, Saakadze square #10 magazin 551 54 22 49 |
750,00 ₾ |
Similar Initiatives
Activity See All Activity
შესვლა first to add your own comment.Comments