Goals

Problem statement:

როგორც ყველა მუნიციპალიტეტისთვის, ლაგოდეხისთვისაც დამახასიათებელია სერვისების ერთ გარემოში თავმოყრა. სოფელი იშვიათად თუ სარგებლობს ამ სიკეთეებით: თეატრი, კინო-თეატრი, გამართული სპორტული მოედნები და დარბაზები, სხვადასხვა სახელოვნობო/პროფესიული კურსები, სკვერები, მუზეუმები. რაიონულ ცენტრებთან მოშორების გამო სხვადასხვა აქტივობაში ჩართულობა მაღალი არ არის. წლების გასვლასთან ერთად სიტუაცია სულ უფრო ინერტული და დამთრგუნველი ხდება.
ამგვარი გარემო განსაკუთრებულად უწყობს ხელს სტერეოტიპულად მოაზროვნე საზოგადოების ჩამოყალიბებას. სოფლებში მრავალფეროვანი გარემოს დეფიციტია.
გოგონებისთვის განსაკუთრებულად რთულია 15-18 წლის პერიოდი, როცა ყალიბდება ინდივიდუალიზმი და საკუთარი შინაგანი სამყარო ითხოვს გაცხადებასა და თვითდამკვიდრებას. სამწუხაროა, რომ რუტინულ ყოფას მიჩვეული თვალი, ყური და გონება მხარს არ უჭერს ადამიანების თავისუფლების სხვადასხვაგვარ გამოვლინებას. ფრაზები: „გოგოს ეს არ შეჰშვენის!“, „ეს რა გოგოს საქმეა!“ და ა.შ. სოფელში იავნანასავით ისმინება! სოფელი ვერ იტანს კონტექსტიდან ამოვარდნილ ადამიანებს, მოვლენებსა და დამოკიდებულებებს..
მაგრამ იბადებიან ჭეშმარიტად თავისუფლების შვილები, რომლებიც ვერ ერგებიან საზოგადოების მიერ შექმნილ ყალიბებს და ძალიან, ძალიან უჭირთ, როცა საკუთარი თავის გაცხადებას ვერ ან ნაკლებად ახერხებენ! 27 წლის წინ სწორედ ასეთი თავისუფლების შვილი მეც დავიბადე და მხოლოდ ოთხი წელია, შევძელი ჩემი პიროვნების მეტ-ნაკლებად გარეთ გამოტანა! ესეც მხოლოდ მას შემდეგ, რაც ფინანსურად ვუზრუნველვყავი საკუთარი თავი.. თუმცა, დედაჩემი დღემდე ურტყამს მაგიდაზე ხელს და მსაყვედურობს, თუ რატომ დავდივარ ავტოსტოპით, რატომ ვმოგზაურობ მოლაშქრეთა კლუბებთან ერთად საქართველოს სხვადასხვა კუთხეში და რატომ არ ჰგავს ჩემი საქმეები კაბინეტიდან შექმნილ ამბებს!! ომი ხშირ შემთხვევაში საკუთარ სახლებში და უახლოეს ადამიანებთან გვაქვს, მაგრამ ჩვენ არ გვაქვს უფლება შევწყვიტთ ბრძოლა სტერეოტიპების წინააღმდეგ!!!

Proposed Solution:

აღნიშნული პროექტის ფარგლებში შევქმნით ახალ საინიციატივო ჯგუფს - „ჰიპები!“, რომელსაც დავაკომპლექტებთ სხვადასხვა სოფელში მცხოვრები აქტიური გოგონებით.
პროექტის მიზანი იქნება გოგონათა ახალი ჯგუფების გააქტიურება და გააძლიერება ინოვაციური აქტივობების განხორციელების გზით. სახელწოდება - „გოგონები სტერეოტიპების წინააღმდეგ!“ - აბსოლუტურად გამართლებული იქნება პროექტის საქმიანობებით! 
პროექტის ფარგლებში დავისახეთ რამდენიმე ამოცანა:
1. „მოლაშქრეთა კლუბის“ გაკეთება, რომლის ხელმძღვანელები იქნებიან საინიციატივო ჯგუფის წევრი გოგონები.
2. „ავტოსტოპის“ კულტურის განვითარება ლაგოდეხის მუნიციპალიტეტში.
3. პრეზენტაციის მოწყობა ფემინისტ ქალებზე და ფილმის - „უცნობი ისტორიები“ - ჩვენება.
4. ტრენინგის ჩატარება - „სტერეოტიპების გავლენა ინდივიდებსა და საზოგადოებაზე“

Sustainability:

1. მოლაშქრეთა კლუბის გაკეთება და ტურებზე წასვლა იქნება ძალიან პოზიტიური და იმედისმომცემი ლაგოდეხის სოფლების პასიური გარემოსთვის. უამრავი ახალგაზრდა გაეცნობა და დამეგობრდება ერთმანეთთან, მოვინახულებთ ჩვენი ქვეყნის სხვადასხვა ღირსშესანიშნავ ადგილს და რაც მთავარია, ამ პროცესების მართვას მოახდენენ გოგონები, რომლებიც თავიანთი საქმიანობით დაამსხვრევენ უამრავ სტერეოტიპს!
ლაშქრობის აქტიურ სეზონს მაქსიმალურად გამოვიყენებთ. ერთი წლის განმავლობაში ტურებს თვეში ერთხელ გავაკეთებთ. ამ ხნის განმავლობაში კლუბის ხელმძღვანელები დავიხვეწებით და განვვითარდებით მენეჯმენტის საკითხებში. კლუბიც პოპულარული გახდება და სამომავლოდ შესაძლებელია, ეს საქმიანობა იქცეს მცირედი შემოსავლის წყაროდ, როგორც ამას ბევრი მოლაშქრეთა კლუბი აკეთებს.
2. ავტოსტოპის კულტურის ჩამოყალიბება ასევე ინოვაციური და პოზიტიური ცვლილების შემტანი იქნება სოფლისა და რაიონისთვის დამახასიათებელი სიტუაციისთვის. ამასთან ერთად, ძალიან ბევრი მიმდევარი შეიძლება გამოგვიჩნდეს და ადამიანები მიეჩვივნონ ყოველგვარი დანახარჯის გარეშე გადაადგილებას. ფერადმაისურიანი გოგონების სტოპზე დგომა სახალისო განწყობას შეიტანს აღნიშნულ გარემოში. სტოპის დროს ადამიანი უამრავ კომპლექსს სძლევს და თავგადასავლების მთელი კასკადი აწყდება თავზე!
„ავტოსტოპერები“ პროექტის დასრულების შემდეგ კიდევ უფრო აქტიურები იქნებიან!  ეს აქტიურობა გამოვლინდება როგორც ჯგუფურ, ისე ინდივიდუალურ გასტოპვებში. პროექტის ფარგლებში შევქმნით facebook-გვერდს "მე და ავტოსტოპი", რომელსაც მუდმივად ვამუშავებთ. დაინტერესების შემთხვევაში სხვადასხვა სოფელში ჩავატარებთ ტრენინგს ავტოსტოპის სარგებლობაზე.
3. პრეზენტაცია ფემინისტ ქალებზე საზოგადოებას გააცნობს იმ ქალებს, რომლებმაც თავიანთი ეპოქა გარკვეულწილად შეცვალეს. მათ შესახებ გაჟღერებული ინფორმაცია ბევრ ქალს მისცემს სტიმულს და გააძლიერებს სტერეოტიპებთან ბრძოლის წინააღმდეგ!
პრეზენტაციის დაგეგმვისა და წარმართვის პროცესში გოგონები შეიძენენ აუდიტორიასთან მუშაობის უნარებს.
4. ტრენინგი „სტერეოტიპების გავლენა ინდივიდებსა და საზოგადოებაზე“ აამაღლებს ცნობიერებას აღნიშნული ფენომენის დამღუპველ ასპექტებზე!!

Equal gender opportunity:

1. The beneficiaries of the club of hitch-hikers will be mostly young people, and we will especially support girls’ involvement in this process, but in the future any interested people will have the opportunity to accompany us in our tours.
2. The presentation on feminist women and the movie screening will be attended by a diverse audience, without any limitations.
3.The participants of the training on stereotypes will be young girls and boys from the town of Lagodekhi and different villages.