Goals

Problem statement:

სოფელი ვეჯინი ერთ–ერთი ქართული სოფელია კახეთის რეგიონში. მასში მცხოვრები მამაკაცებესითვის – და უმეტეს შემთხვევაში ქალებისთვისაც – გენდერული თანასწორება ისეთივე ახალი და მიუღებელი ფენომენია, როგორც დანარჩენ საქართველოში. ქალები, განსაკუთრებით შუა ასაკის და შუახანს გადაცილებულები, ერთის მხრივ, უდიდეს როლს ასრულებენ საოჯახო საქმეების შესრულებაში, მეორეს მხრივ კი საკუთარ თავზე იღებენ ოჯახის ფინანსურ უზრუნველყოფას და დღიურ, დაქირავებულ მუშებად მუშაობენ მიწის ნაკვეთებში. ხშირად, პარალელურად მამაკაცები ბირჟაზე დგომით ირთობენ თავს და ფუნქციების ამგვარ გადანწილებას, ბუნებრივად მიიჩნევენ. მაშინაც კი, როდესაც ქალის და მამაკცის სამუშაო თანაბრად არის გადანაწილებული, ქალის როგორც სოციალური არსების როლი პრაქტიკულად ნიველირებულია. სოფელში არ არსებოს ქალბატონებისთვის გაზრდის, თვითშემეცნების საშუალება, რომელიც დაუპირისპირდება არსებულ გენდერულ სტერეოტიპებს და ქალებს მისცემს თვითრეალიზაციის, ინტერესების განვითარების და დასვენების საშუალებას.
გარდა ამგვარი უთანასწორობისა, სოფელ ვეჯინში ოჯახარი ძალადობის ფაქტებიც არ არის უცხო მოვლენა. თუმცა, ისეთ ფაქტებს, როგორიცაა ქალების ცემა, სახლში გამოკეტვა და ა.შ. მოსახლეობა, როგორც მამაკაცები ისე ქალები, ხშირად ძალადობად არ მიიჩნევენ. ვეჯინელი მამაკაცების დამოკიდებულება ქალების მიმართ ასახულია საავტორო ფილმების სტუდია, გაეროს ქალთა ორგანიზაცია და საქართველოს ეროვნული კინოცენტრის მიერ 2015 წელს გადაღებულ დოკუმენტურ ფილმში, „ხმაამოიღეთ!''

Proposed Solution:

ჩვენი მიზანია დავეხმაროთ სოფლის მოსახლეობას სტერეოტიპების დაძლევაში, რათა გაიცნობიეროს გენდერული თანასწორობის პრინციპები და ხელიშეუწყოს ქალების მიმართ სათანადო დამოკიდებულების ჩამოყალიბებას, ვეჯინის საზოგადოებას მივცეთ საშუალება აიმაღლონ ცოდნა და ცნობიერება ქალების უფლებების და გაძლიერების გზების შესახებ თემსა და ოჯახში. ამისთვისაც სოფელ ვეჯინში ივ. ბერიტაშვილის სახელობის მუზეუმის უკვე არსებულ კინო–დარბაზში გავმართავთ კინო–ჩვენებებს. დარბაზი გაიხსნილია 1988 წელს და მისი აპარატურა მოძველებულია, თუმცა თავად სივრცე და სავარძლები (გათვლილი 107 მაყურებელზე) პრაქტიკულად ხელუხლებელია. დარბაზში,თვეში ორჯერ საღამოს 5 საათიდან გავმართავთ გენდერულ საკითხებზე შექმნილ როგორც მხატრული ისე დოკუმენტური ფილმების ჩვენებას. სულ გათვალისწინებულია 20 ფილმის ჩვენება, როგორც ქართული ასევე უცხოური ფილმის ჩვენება ქართულ ენაზე. იდეის ინიციატორებს შექმნილი გვაქვს ფილმების წინასწარი სია, რომლებიც მოიცავს როგორც ბოლო დროინდელ ქართულ ფილმებს, როგორცაა ,,გაიღიმეთ’’, გრძელი ნათელი დღეები“, ,, პატარძლები“, ,,ქალები საქართველოდან“, ,,ხმა ამოიღეთ“... ასევე ცნობილ უცხოურ ფილმებს: Desert flower, Danish Girl, The Color Purple და ა.შ. წინასწარი შეთანხმების საფუძველზე, ქართულ ფილმებს მოგვაწვდის „ქალთა ფონდი საქართველოში“. ღონისძიებაზე დავპატიჟებთ მოსახლეობას, მოვიწვევთ ოჯახებს. ჩვენება გათვალისწინებულია 30 კაციანი ჯგუფებისათვის. ფილმის ჩვენების შემდეგ გავმართავთთ დისკუსიას ქალთა უფლებებისა და გენდერული თანასწორობის შესახებ. გარდა იმისა რომ დამსწრე საზოგადოება გაეცნობა გენდერული თემატიკის პრობლემებს, ასევე მათ გაუჩნდებათ სოციალიზაციის და შეკრების ადგილი, რომელიც საშუალებას მათ პიროვნულ ზრდას და გაძლიერებას. იმედი გვაქვს რომ დასწრეებს შორის იქნებიან მამაკაცები და ჩერთვებიან დისკუსიაში. კინო–ჩვენებების შესახებ ინფორმაციას გავავრცელებთ მოხალიესეების საშუალებით
ფასილიტატორად მოწვეული იქნებიან ადგილობრივი ადამიანის უფლებადამცველი არასამთავრობო ორგანიზაციების წარმომადგენლები და საჯარო სკოლის სამოქალაქო განათლების პედაგოგები.

Sustainability:

ივ. ბერიტაშვილის სახელობის მუზეუმი უკვე ოცი წელია უფასოდ უთმობს ადგილს სხვადასხვა არასამთავრობო თუ საინიციატივო ჯგუფების ღონისძიებებს. აქ გამართულა ასობით სემინარი, ტრენინგი, პრეზენტაცია, კონფერენცია, გამოფენა და ა.შ. შეიძლება ითქვას, რომ მუზეუმი წლების განმავლობაში ასრულებდა სამოქალაქო აქტივინიზმის ცენტრს. თუმცა, ბოლო წლების განმავლობაში, საგრძნობლად შემცირდა. კინო–კლუბის მოწყობა, იქნება დიდი სტიმული საზოგადოებისთვის თავისი ინიციატივით გამართონ არა მხოლოდ ფილმის ჩვენებები, არამედ სხვადასხვა სამოქალაქო თუ სათემო ღონისძიებები და დაუბრუნონ მუზეუმს სამოქალაქო საზოგადოების ცენტრის ფუნქცია. შეძენილი ნივთები გადაეცემა ივ.ბერიტაშვილის სახელობის მუზეუმს

Equal gender opportunity:

კინოჩვენენბებზე მოწვეულები იქნებიან როგორც ქალბატონები ასევე მამაკაცები, რომელბიც ჩაებმებიან ფილმის დასრულებისას დიკუსიაში. ფასილიტატორებად მოწვეულები იქნებიან როგორც ქალი ასევე მამაკაცი ფასილიტატორები. თუ ვისაუბრებთ უფრო ფართო სურათზე, ქალთა გაძლიერება ერთნაირად მომგებიანი მთლიანი თემისთვის, თანაბრად ქალბატონებისა და მამაკაცებისთვის.