სუფთა ნახიდური
ქვემო ქართლი, ბოლნისის მუნიციპალუტეტი, სოფელი ნახიდური
1487 Comments: 11
Goals
Problem statement:
სოფელ ნახიდურში ადამიანების უპასუხისმგებლობის და ჭარბი ნაგვის გამო ეკოლოგია ცუდ დღეშია. დანაგვიანებულია ქუჩის მიმდებარე ტერიტორიები, სასოფლო-სამეურნეო მიწები, სარწყავი არხები, რაც კატასტროფულად აისახება გარემოზე და ადამიანთა ჯანმრთელობაზე. ასევე სკოლის ეზოში და მის მიმდებარე ტერიტორიაზე არ მოიპოვება არცერთი სანაგვე ურნა, შესაბამისად, მოსწავლეები იძულებულნი არიან ნაგავი (შესაფუთი ქაღალდი, პოლიეთილენის პარკი და ასე შემდეგ) დაყარონ ძირს, რითიც ხდება არასასურველი ქცევის გამტკიცება. ნაგვიანდება სკოლის ეზო და მისი მიმდებარე ტერიტორია. იქიდან გამომდინარე , რომ ჩვენს სოფელში სკოლა საზოგადოებრივი თავშეყრის ყველაზე დიდი ადგილია, ამ ლოკაციაზე დაბინძურების მასშტაბებიც დიდია. ცელოფნის პარკები ხშირად ქარს მიაქვს და ანაგვიანებს მიმდებარე სახნავ-სათეს მიწებს. აუცილებელია ჩატარდეს დასუფთავების აქციები სადაც ჩაერთვებიან მოხალისეები თემიდან და სკოლის მოსწავლეები (რისთვისაც გვჭირდება: სანაგვე ცელოფნები, ხელთათმანები და ურნები ). ასევე აუცილებელია განთავსდეს სანაგვე ურნები, რათა მოსწავლეები სასკოლო ასაკიდანვე მიეჩვიონ გარემოზე ზრუნვას. მათ უნდა ჰქონდეთ გამომუშავებული ჩვევა - ძირს არ დაყარონ ნარჩენები. აღნიშნული ცვლილებების გარეშე შეუძლებელია სრულფასოვანი მოქალაქის ჩამოყალიბება, რომელიც ზრუნავს გარემოზე.
რას გააკეთებთ ამ ცვლილების მისაღწევად?
ამ ცვლილებისთვის ვითანამშრომლებთ სოფლის საბჭოსთან, ვთხოვთ ადამიანური და მატერიალური რესურსით დახმარებას (მაგალითად დასუფთავების დღეს მუნიციპალიტეტმა გამოგვიყოს სანაგვე მანქანა). შევიკრიბებით მინიმუმ 50 ახალგაზრდა (სრულწლოვანი), დავიყოფით ჯგუფებად და სხვადასხვა ლოკაციებზე გადავნაწილდებით. დავასუფთავებთ დანაგვიანებულ ადგილებს და შეგროვილ ნაგავს გადავანაწილებთ არსებულ კონტეინერებში, რასაც შემდგომ გაიტანს სანაგვე მანქანა. ასევე სკოლის ეზოში განვათავსებთ სანაგვე ურნებს , ვინაიდან სკოლა ყველაზე ხალხმრავალი ადგილია. სკოლაში ჩატარდება პრეზენტაცია გარემოსდაცვით თემატიკაზე, წახალისდება სანაგვე ურნით სარგებლობა.
მდგრადობა (2,000 სიმბოლო)
დასუფთავების აქციები სოფელში ჩატარდება პერიოდულად 4 თვეში ერთხელ. ურნები დამონტაჟდება სკოლის ეზოში. ჩატარდება საინფორმაციო შეხვედრები მოსწავლეებთან და თემის წარმომადგენლებთან, თუ რამდენად მავნეა არაორგანული ნარჩენების მოხვედრა ნიადაგში, როგორ უნდა ვიზრუნოთ გარემოზე. წახალისდება მოსწავლეთა სასურველი ქცევა იზრუნონ გარემოზე. გამოვლინდებიან სამაგალითო მოხალისეები რომლებიც აქტიურად ჩაერთვებიან დასუფთავების აქციებში და თანატოლებში პროპაგანდას გაუწევენ სანაგვე ურნით სარგებლობას. ასე მოხდება სასურველი ქცევის განმტკიცება გარემოზე ზრუნვის და სანაგვე ურნით სარგებლობის გრძელვადიანი პრაქტიკის დანერგვა.
თანაბარი გენდერული შესაძლებლობა
სანაგვე ურნებით თანაბრად ისარგებლებენ ორივე სქესის წარმომადგენლები, ასევე დასუფთავების აქციებში ჩაერთვებიან როგორც ბიჭები, ისე გოგონები რაც ხელს შეუწყობს მათში თანასწორუფლებიანობის გრძნობის განვითარებას.
Recommendations
Reviewer 5
სკოლის ტერიტორია რატომ არის ასეთი დაბინძურებული? რას აკეთებს სკოლის ადმინისტრაცია? სჯობს მიმართოთ მათ, რომ შეიძინონ ურნები.Items Needed
Item | აღწერა | Vendor Info | Total | Purchased? |
ურნა | ორდონიანი სანაგვე ურნა 6ცალი (საცალო ღირებულება 280 L) |
აჩისარი/ACHISARI
თბილისი, დადიანის #7, ოთახი ა417 |
1 680,00 ₾ | |
ხელთათმანი | მუშის ხელთათმანი - 100 ცალი (საცალო ღირებულება 1.1 ლარი) |
შ.პ.ს. “ჯორჯიან გრუპ”
საქართველო, თბილისი |
110,00 ₾ | |
ნაგვის პარკი | ნაგვის ცელოფანი 70ლიტ 20ც 72X95სმ - 20 ცალი (საცალო ღირებულება 4 ლარი) |
შ.პ.ს. “ჯორჯიან გრუპ”
საქართველო, თბილისი |
80,00 ₾ |
Activity See All Activity
შესვლა first to add your own comment.Comments