Goals

Problem statement:

ქ. თეთრიწყარო მდებარეობს ქვემო ქართლში. ქალაქში არის რამოდენიმე გაჩერება და საინფორმაციო დაფები , რომელიც ვიზუალურად არაესთეტიურია. არამარტო ადგილობრივი არამედ ქალაქის სტუმრებისთვისაც, ეს ადგილები ტოვებს მოუვლელობის და მიტოვებულობის განცდას.
გაჩერებებით სარგებლობს მოსახლეობის ის ნაწილი, რომელიც ცხოვრობს ქალაქში და ასევე ხალხი, რომელიც დასაქმებულია ქ.თეთრიწყაროში და ყოველდღიურად სხვადასხვა დასახლებული პუნქტიდან მგზავრობს ქალაქში.
საინფორმაციო დაფები ძირითადად გაკეთებულია განცხადებების გასაკრავად, მაგრამ მოსახლეობის დიდი ნაწილი არ იყენებს მათ, რადგან ისინი ძალიან ცუდ მდგომარეობაშია, არ არის შეღებილი, დაზიანებულია და ამავე დროს შემორჩენილია ძველი, წლების წინანდელი განცხადებები.
სამწუხაროდ,ადგლობრივი თვითმართველობის მხრიდან ამ ყველაფერს არ ექცევა ყურადღება და შესაბამისად, არ დგას საკითხი ახლო მომავალში მათი შეღებვის ან მოვლა-პატრონობის.
ყოველდღიურად ასეთი მოუვლელი გაჩერებების და საინფორმაციო დაფების ნახვა, რომელიც ძირითადად ცენტრალურ ქუჩებზე მდებარეობს, მოსახლეობაში და ახალგაზრდობაში ქმნის ნიჰილისტურ დამოკიდებულებას ადგილობრივი ხელისუფლების მიმართ და არამარტო, ასევე ფსიქოლოგიურად მოქმედებს ჩვენს გონებაზე, "რომ არაფერი გვეშველება" , იმას კი არავინ იაზრებს რომ ჩვენითაც შეგვიძლია ბევრი კარგი საქმის გაკეთება და რამდენად მნიშვნელოვანია ჩვენი აქტიურობა და ჩართულობა სამოქალაქო ცხოვრებაში.

Proposed Solution:

გამოსავალს ვხედავთ, იმაში, რომ ადგილობრივი ახალგაზრდების ჩართულობით შევღებოთ საინფორმაციო დაფები და გაჩერებები, შევუცვალოთ ვიზუალი, გავალამაზოთ და გავამრავალფეროვნოთ ისინი. ახალგაზრდების ჩართულობას მოვახდენ ასე: შევხვდებით ქ. თეთრიწყაროს N1 და N2 საჯარო სკოლების მოსწავლეებს, ასევე ადგილობრივ ახალგაზრდებს გავუზიარებთ ჩვენს იდეას და ვთხოვთ ჩაერთონ პროექტში. პარალელურად აუცილებლად გავითვალისწინებთ მათ აზრს მოხატვაზე. საინფორმაციო დაფები და გაჩერებები გარდა შეღებვისა, სამუშაო ჯგუფთან შეთანხმებით მოიხატება შინაარსობრივი და ესტეტიურად მომხიბლავი კომპოზიციებით.
პარალელურად თეთრიწყაროს დასუფთავების სამსახეური დახმარებით დავასუფთავებთ ყველა იმ ობიექტის მიმდებარე ტერიტორიებს სადაც ჩვენ იდეას განვახორციელებთ, რომ უფრო სუფთა, ლამაზი, და მიმზიდველი გახდეს ეს ადგილები და შეასრულოს ის ფუნქციები, რაც ამ ობიექტებს აკისრია.

Sustainability:

ზემოთ უკვე ავღნიშნეთ, რომ გაჩერებები და საინფორმაციო დაფები ძირითადად ქალაქის ცენტრალურ ქუჩებზე მდებარეობს, დარწმუნებულები ვართ, რომ მათი შეღებვის დროს ადგილობრივი მოსახლეობა დაინტერესდება და ჩაერთვება კიდეც პროცესში. მოსახლეობის ჩართულობით განხორციელებული პროექტი გარანტიაა იმის, რომ შეღებილი ობიექტები რამოდენიმე წელი დაამშვენებს ქალაქს.
პარალელურად ყველაფერს გადავიღებთ და გავაკეთებთ ვიდეო რგოლს ამ პროექტის შესახებ, რომელსაც ავტვირთავთ სოციალურ ქსელებში, ვაჩვენებთ სკოლებში და მოსახლეობაში, რომ უფრო მეტმა ადამიანმა გაიცნოს ჩვენი გაკეთებული საქმე და გაუფრთხილდეს ამ ყველაფერს, რადგან სამწუხაროდ ჩვენთან მუნიციპალიტეტში არის ვანდალიზმის შემთხვევები.

Equal gender opportunity:

პროექტის განხორციელებაში აქტიურად იქნებიან ჩართულები ორივე სქესის წარმომადგენლები.