Goals
Problem statement:
ბოლნისის ქუჩები და ღია ცის ქვეშ არსებული საზოგადო თავშეყრის ადგილები სიცოცხლეს მოკლებულია. Aხალგაზრდების უმეტესობა განათლების, გასართობი და კულტურული ღონისძიებების ნაკლებობას უჩივის, მაგრამ ამავდროულად არ გააჩნიათ კონკრეტული გეგმა, ან ინიციატივები იმისთვის, რომ მსგავსი პრობლემა გადაჭრან. პატარა ქალაქს გააჩნია ინტერნეტ კავშირი, ისევე როგორც ადგილობრივი ტელეარხი, მაგრამ ხალხი ამ რესურსს ძირითადად გასართობი ინტერნეტ გვერდების დასათვალიერებლად და სატელევიზიო შოუების საყურებლად იყენებს. მოსახლეობის უმეტესობა დიდ ინტერესს არ გამოხატავს, ან საერთოდ ინფორმაციას არ ფლობს სხვადასხვა შემეცნებით პროგრამებზე, საჯარო ლექციებზე, ფილმებზე, კონცერტებზე, ისტორიულ, დოკუმენტურ ან კლასიკურ ვიდეო და ფოტო ქრონიკებზე. ქუჩაში უბრალოდ დროის გასაფლანგად ყოფნა აქ ერთგვარ ჩვეულებად იქცა. ეს არის ადგილი სადაც უბრალოდ დროს ვანიავებთ. აქედან ჩნდება ისეთი ცნობილი ფრაზები როგორებიცაა “ქუჩაში კარგს ვერაფერს ისწავლი”, ისეთი წოდება როგორიცაა “ქუჩის ბიჭი”, “წესიერად მოიქეცი, ქუჩაში ხომ არ ხარ?”. მსგავსი ფრაზები აშკარად ცხადყოფს რომ ხალხი პატივს არ ცემს და არ ენდობა ქუჩას, როგორც საზოგადო ადგილს. სინამდვილეში კი ქუჩა მნიშვნელოვანი მექანიზმია, რომლის საშუალებითაც ინფორმაციის მიმოცვლა ხდება, უბრალოდ ყველაფერი მოქალაქეებზეა დამოკიდებული და იმაზე თუ რაზე საუბრობენ ისინი. ბოლნისში, და საერთოდ საქართველოში ხალხს ხშირად პრობლემა აქვს რომ ღია, უშუალო კომუნიკაცია დაამყარონ ოჯახში, საგანმანათლებლო დაწესებულებებსა და საზოგადო ინსტიტუეციებში, ამიტომ ქუჩა ერთგვარ პროტესტის ადგილად გვევლინება. სტერეოტიპულად მიიჩნევა რომ ქუჩა არავის ეკუთვნის, შედეგად კი ზუსტად აქ გროვდება ყოველგვარი ნაგავი, როგორც ფიზიკური, ასევე მენტალური. საბჭოთა იდელოგიამ, ისევე როგორც კომერციულ მოგებაზე ორიენტირებულმა კომპანიებმა დიდი ხნის წინ გაანალიზეს რომ ქუჩა ადამიანებთან კონტაქტისთვის მშვენიერი პლატფორმაა, ამიტომ ხშირად ზუსტად აქ გვხვდება დიდი პოსტერები, ბანერები, ესა თუ ის თქმულება მოზიაკის სახით. ჩვენ გვსურს რომ ეს სივრცე შეიცვალოს. ჩვენ გვსურს რომ ქუჩაში კულტურულ-საგანმანათლებლო ინფორმაცია გვხვდებოდეს.
Proposed Solution:
ჩვენს მიერ შემოთავაზებული გამოსავალი საკმაოდ ინოვაციურია. მე და ჩემი მეგობრები რამოდენიმე კედელს მოვამზადებთ, ისე რომ მათზე საინტერესო სატელევიზიო გადაცემების, საგანმანათლებლო პროგრამების და კრეატიული ვიდეოების გაშუქება იქნება შესაძლებელი. ამის განხორციელებას პროექტორის დახმარებით, ბოლნისის ცენტრში, ძველ გერმანულ უბანში ვგეგმავთ. Qქუჩაში პარალელურად იქნება ნაჩვენები სხვადასხვა სახის პროგრამები, მაგალითისთვის:
1. არტარეას საინფორმაციო გამოშვება, აი-დი, მწვანე ზონა, ტრანსმისია, კომუნიკატორი, ინტერპრეტაცია, სხვა მუსიკა, ქალაქი ამბობს, ურბანული ამბები.
2. საჯარო ლექციები სერიებიდან: ქუჩის აკადემია, თბილისის ტური და რამოდენიმე უნივერსიტეტის ვიდეო ლექციები ლიტერატურის, ისტორიის, არქიტექტურისა და სოციალური აქტივობის შესახებ, რომელეებიც თავისუფალი სახით არის განთავსებული ინტერნეტში.
3. ეროვნული კინო ცენტრის დახმარებით გავაშუქებთ ძველ და თანამედროვე ქართულ ფილმებს, რომლებიც რიგ სოციალურ თემებს ეხება.
4. ეროვნული არქივის ფოტო და ვიდეო ქრონიკა, ისევე როგორც პარლამენტის საჯარო ბიბლიოთეკის “ციფრული ფოტო ქრონიკა”, რაც მოსახლეობაში გააღვივებს უახლესი ქართული ისტორიისადმი ინტერესს.
5. ვიდეობი ცნობილი კონცერტებიდან და ინოვაციური პროექტებიდან. ჩვენ გვსურს რომ ახალგაზრდები გაეცნონ თუ რა ხდება მსოფლიო კულტურაში, იპოვნონ შთაგონება და რაიმე კარგი ბოლნისშიც განახორციელონ.
6. ღია ცის ქვეშ ჩატარებული პრეზენტაციები სხვადასხვა თემატიკაზე. მომხსენებლები შეიძლება წინასწარ დავიპატიჟოთ. ასევე შეიძლება სპონტანურობის ელემენტიც.
7. ჩვენ გადმოვთარგმნით ინგლისურ-ენოვანი მასალის ნაწილს და დუბლირებას გავუკთეთებთ.
8. ჩვენ ხშირად დავპატიჟებთ ცნობილ მოღვაწეეებს, ლექტორებს, კინოსა და თეატრის რეჟისორებს, მუსიკოსებს, ხელოვნების კრიტიკოსებს, რომლებიც ჩვენების წინ პატარა ინფორმაციას გაგვიზიარებენ. ეს გაცილებით უფრო დინამიური და ცოცხალი იქნება. გვექნება სხვადასხვა სახის ფოტო და ვიდეო მასალა.
Items Needed
Item | აღწერა | Vendor Info | Total | Purchased? |
projector | Brand: Lamp Life Normal Mode: |
LTD ALTA
Beliashvilis Str 8 2510111 (1045) |
810,00 ₾ | |
second hand speaker | speaker for open air screenings and lectures. |
Elit Electronics
თბილისი 5 |
228,81 ₾ | |
Shiping tires | 40 tires will be used as chairs for the audience. |
Mevlludi warehouse
rustaveli5 55555555 |
150,00 ₾ |
Similar Initiatives
Activity See All Activity
შესვლა first to add your own comment.Comments