Goals

Problem statement:

მთიანი და მაღალმთიანი სოფლებისთვის ნაკლებად ხელმისაწვდომია კულტურული და შემეცნებითი ღონისძიებები, რაც აფერხებს ასეთი სოფლებისთემისა და ახალგაზრდების მრავალმხრივ განვითარებას. სოფელი გომბორი მთიანი ზონის სოფელია, სადაც ეს პრობლემა მწვავედ დგას. გომბორის სკოლის სამოქალაქო კლუბი აქტიურად არის ჩართული სხვადასხვა ღონისძიებების და პროექტების განხორციელებაში, თუმცა ეს არ არის საკმარისი. სოფლის ბევრ ახალგაზრდას აქვს სურვილი სასიკეთო ცვლილებები შეიტანონ თემის ცხოვრებაში, ახალგაზრდებს ერთერთმა არასამთავრობო ორგანიზაციამ გადასცა კომპიუტერი, თუმცა არ არსებობს ახალგაზრდული სივრცე, სადაც ახალგაზრდები შეძლებენ შეკრებას, თემისთვის სასარგებლო პროექტებისა და კულტურული ღონისძიებების დაგეგმვასა და განხორციელებას.
სოფელში არ არსებობს ხელოვნების წრეები(ცეკვის, სიმღერის, ხატვის, ფოტოგრაფიის), გამოკითხვის შედეგად გამოვლინდა, რომ ახლგაზრდებისთვის ერთერთ მთავარ პრობლემას წარმოადგენს აღნიშნული წრეების არარსებობა. ახალგაზრდული სივრცე მისცემს საშუალებას დაინტერესებულ ახალგაზრდებს ჩამოაყალიბონ სხვადასხვა კლუბები ხელოვნების მიმართულებით.

რას გააკეთებთ ამ ცვლილების მისაღწევად?

სოფელ გომბორის სკოლის სამოქალაქო კლუბი "პანდორა" მოაწყობს შეხვედრას სოფლის ახალგაზრდებთან. თემის დაინტერესებული ახალგაზრდები სამოქალაქო კლუბის წევრებთან ერთად შექმნიან საინიციატივო ჯგუფს. მოხალისეები ახალგაზრდული სივრცის მოსაწყობად გადაინაწილებენ ფუნქცია-მოვალეობებს. პირველ ეტაპზე ადგილობრივი თვითმმართველობის მიერ გამოყოფილ ოთახს დაასუფთავებენ და მოამზადებენ რემონტისთვის. სამოქალაქო კლუბმა სოფელში მოიძია ხელოსნები, რომლებიც დათანხმდნენ უსასყიდლოდ დაეხმარონ ახალგაზრდებს აღნიშნული სივრცის გარემონტებასა და კეთილმოწყობაში. გარემონტების შემდეგ ოთახი აღიჭურვება შესაბამისი ავეჯითა და ტექნიკით. ახალგაზრდები სისტემატურად ჩაატარებენ გამოკითხვას საზოგადოებისთვის საინტერესო თემების გამოკვეთის მიზნით და თვეში ორჯერ მოიწვევენ აღნიშნულ თემაზე სასაუბროდ კომპეტენტურ ადამიანს/ადამიანებს, რათა ჩაატარონ შესაბამის თემასთან დაკავშირებით სემინარი და მისცენ ადამიანებს მათთვის საინტერესო ინფორმაცია და სასარგებლო რჩევები. ასევე კლუბის წევრები გამოკითხვის შედეგად გამოავლენენ თემში არსებულ პრობლემებსა და საჭიროებებს, ახალგაზრდებისთვის აქტუალურ საკითხებს. შემდეგ კი დაგეგმავენ და განახორციელებენ აღნიშნული საჭიროებების მოგვარებაზე ორიენტირებულ პროექტებს. ახალგაზრდები ჩამოაყალიბებენ სახელოვნებო კლუბებს ცეკვის, სიმღერის, ხატვისა და ფოტოგრაფიის მიმართულებით. კომპიუტერისა და პროექტორის დახმარებით კლუბის წევრები გაუზიარებენ ერთმანეთს ცოდნას, თავისი ძალებით ისწავლიან ცეკვას, სიმღერას და ა.შ. თვეში ორჯერ კი მოიწვევენ ამ სფეროებში წარმატებულ ადამიანებს, რათა ჩაუტარონ მასტერკლასი კლუბის წევრებს. ახალგაზრდული სივრცე ასევე საჭიროა კულტურული კავშირების გასაღრმავებლად. გომბორი მულტიკულტურული, მულტიეთნიკური სოფელია, მოსახლეობის დაახლოებით 48% აზერბაიჯანელია და ცხადია ახალგაზრდული სივრცე კარგი საშუალება იქნება ამ ორი ეთნიკური ჯგუფის დაახლოვებისთვის. აზერბაიჯანელი და ქართველი ახალგაზრდები გაუზიარებენ და გაეცნობიან ერთმანეთის კულტურას, ეს ყველაფერი კი ტოლერანტი, მომავალსა და განვითარებაზე ორიენიტებული საზოგადოების ჩამოყალიბებას შეუწყობს ხელს.

ვინ განკარგავს შესყიდულ ნივთებს ინიციატივის დასრულების შემდეგ?

შესყიდული ნივთები თემის ახალგაზრდების მფლობელობაში იქნება. შესყიდული ინვენტარის მეშვეობით ახალგაზრდული კლუბი განაგრძობს მუშაობას თემისთვის, ახალგაზრდებისთვის აქტუალური საკითხების ირგვლივ და ხელს შეუწყობს განათლებული, განვითარებული მომავალი თაობების ჩამოყალიბებას. მოხალისე ახალგაზრდებისაგან შედგება ჯგუფი, რომელიც გაუწევს მონიტორინგს საჭიროებისამებრ, სწორად და ზიანის მიყენების გარეშე გამოიყენონ ნივთები და ტექნიკა. ასევე დაწესდება მორიგეობა კლუბის მოხალისე წევრებს შორის ახალგაზრდული სივრცის დასუფთავებასთან დაკავშირებით.

რამდენად თანაბრად ისარგებლებენ ქალები და კაცები შედეგად?

სარგებელს მიიღებენ ქალები და კაცები თანაბრად