Goals

Problem statement:

პრობლემა, რომელსაც ჩვენი პროექტი მოაგვარებს ესაა ქ.რუსთვის ბიბლიოთეკის არასრულფასოვანი ფუნქციონირება; ბიბლიოთეკის ერთ-ერთი მთავარი ფუნქციაა შექმნას კომფორტული გარემო მკითხველისთვის, რომ წაიკითხონ ადგილზე - ბიბლიოთეკის სივრცეში. დღესდღეობით ბიბლიოთეკას ეს ფუნქცია დაკარგული აქვს. ახალგაზრდები ვერ ხედავენ სიახლეს ბიბლიოთეკებში, ისინი კითხულობენ სახლის ბიბლიოთეკის ან ონლაინ რესურსის საშუალებით, უსმენენ აუდიო წიგნებს თუმცა ნაკლებია მათი ინტერესი ბიბლიოთეკაში კითხვისადმი; ქ.რუსთავში ბიბლიოთეკის თანამშრომლებთან ჩატარებული გამოკითხვებით ცნობილია, რომ მკითხველის მხოლოდ 10% კითხულობს ადგილზე;

პრობლემის გამოწვევი მიზეზია თანამედროვე ტექნოლოგიების ნაკლებობა ბიბლიოთეკაში და არაკომფორტული სივრცე; XXI სუკუნე ტექნოლოგიების გარეშე წარმოუდგენელია, თანამედროვე ბიბლიოთეკას კი ნამდვილად სჭირდება ტექნოლოგიები იმისთვის, რომ არ ჩამორჩეს განვითარებას; (თუმცა ეს არ ნიშნავს იმას, რომ საზოგადოებამ წიგნებზე უარი უნდა თქვას); საჭიროა მეტი არაფორმალური, ინოვაციური ელემენტების შეტანა ბიბლიოთეკის ფუნქციონირებაში;

ვფიქრობთ, ჩვენი პროექტი ამ პრობლემას მოაგვარებს;

რას გააკეთებთ ამ ცვლილების მისაღწევად?

ჩვენი მიზანია აღვჭურვოთ რუსთავის ერთ-ერთი ბიბლიოთეკა პლანშეტებით და ყურსასმენებით; რაც ინოვაციური იდეაა რუსთავის ბიბლიოთეკებისთვის; ბიბლიოთეკაში განთავსდება მაგიდები, რომლებშიც ჩამონტაჟებული იქნება პლანშეტები ყურსასმენებით; ტექნოლოგიების გამოყენებისას შეზღუდული იქნება წვდომა სოც.ქსელებთან და კონკრეტულ საიტებთან; პლანშეტებში მოცემული იქნება ელ.წიგნები (ისეთი, რომელიც ბიბლიოთეკის ბაზაში არ იქნება), ონლაინ სხვადასხვა ინფორმაციის საძიებელი პროგრამა, აუდიო წიგნები, სხვადასხვა ენისა და სამოქალაქო განათლების ლექსიკონი (კითხვის პარალელურად გამოსაყენებლად); ასევე პლანშეტს წვდომა ექნება მუსიკის საძიებელ პრობრამასთან - მათთვის ვისაც უყვართ მუსიკის მოსმენა კითხვასთან ერთად; შესაბამისად შეიქმნება არაფორმალური განათლების მისაღებად საჭირო თითქმის ყველა რესურსი. ჩვენი ამოცანებია: გავზარდოთ მკითხველთა რაოდენობა ბიბლიოთეკაში და განსაკუთრებით ახალგაზრდები დავაინტერესოთ ბიბლიოთეკის სივრცით; დავამკვიდროთ თანამედროვე ტექნოლოგიების პროდუქტიულად გამოყენების კულტურა - გავზარდოთ მოტივაცია ახალგაზრდებში რაც შეიძლება მეტი სარგებელი ნახონ ტექნოლოგიებისგან ; შევქმნათ კომფორტული გარემო მკითხველისთვის; ბიბლიოთეკარების დახმარებით (წიგნის კითხვის პოპულარიზაციის მიზნით) მკითხველს მივაწვდით ინფორმაციას, რომ სასურველია პლანშეტი გამოყენებული იქნეს წიგნთან ერთად, როგორც დამხმარე რესურსი (როგორც ლექსნიკონი ან მუსიკის მოსასმენად). პლანშეტში მკითხველისთვის ხელმისაწვდომი იქნება რუსთაველი, ახალგაზრდა მწერლების ნამუშევრები; ისინი სურვილს გამოთქვამენ მკითხველს ამ კონკრეტული რესურსით გააცნონ საკუთარი ნაწარმოებები; შედეგები: მკითხველთა რაოდენობა გაზრდილია მკითხველს აქვს მრავალფეროვან ინფორმაციასთან წვდომა, შესაბამისად ბიბლიოთეკის ტექნოლოგიებს ინფორმაციულად იყენებს; კომუნიკაცია/ურთიერთობები განვითარებულია; (აუდიო წიგნების განხილვა 6 თვიანი აქტიური პროგრამის ფარგლებში) ახალგაზრდა მწერლებში ამაღლებულია მოტივაცია და მათი ნაწარმოებები ცნობილია საზოგადოების გარკვეული ნაწილისთვის მდგრადობა: სხვა ბიბლიოთეკები აიღებენ მაგალითს; ახალგაზრდები დაინტერესდებიან მოცემული რესურსის გამოყენებით განახორციელონ პროექტები; მომსახურეობის სერვისის გაუმჯობესების შესაძლებლობა მკითხველის ინტერესის გათვალისწინებით ; ახალგაზრდა მწერლების შემოქმედება დარჩება ბიბლიოთეკას (მათი ნამუშევრები მოცემული იქნება ელ.წიგნების ჩამონათვალში)

ვინ განკარგავს შესყიდულ ნივთებს ინიციატივის დასრულების შემდეგ?

იმ ბიბლიოთეკის ადმინისტრაცია, სადაც განთავსდება აღნიშნული ტექნიკა

რამდენად თანაბრად ისარგებლებენ ქალები და კაცები შედეგად?

პროექტით თანაბრად ისარგებლებს როგორც ქალი, ასევე მამაკაცი მკითხველი; გენდერული ბალანსი დაცულია საორგანიზაციო ჯგუფშიც;