Goals

Problem statement:

5 წელზე მეტია, რაც ქალაქ რუსთავში არ არსებობს კინოთეატრი. შესაბამისად, ადგილი, სადაც ახალგაზრდები შეძლებდნენ ფილმების ყურებას, დასვენებას, გართობას. წლების განმავლობაში, ქალაქში კინოთეატრის არარსებობა არაერთი საპროტესტო აქციის მიზეზი გამხდარა, თუმცა აქციებმა შედეგი ვერ გამოიღო. რუსთაველი ახალგაზრდები ფილმების საყურებლად და გასართობად დედაქალაქში დადიან, რაც დამატებით ფინანსებთანაა დაკავშირებული. პრობლემა კი პრობლემად რჩება.

რას გააკეთებთ ამ ცვლილების მისაღწევად?

უკვე ხუთი თვეა, რაც ქალაქ რუსთავში ფუნქციონირებს ბარი "თაობა", რომელიც უფრო მეტად სოციალური ბარია და რომელიც რუსთაველ ახალგაზრდებს სხვადასხვა შესაძლებლობებს აძლევს. გარდა იმისა, რომ ბარი კვირის განმავლობაში არაერთ ივენთს სთავაზობს რუსთაველებს (ელექტრონული მუსიკის ცოცხალი საღამოები, სხვადასხვა მუსიკალური საღამოები, თამაშები და ა.შ.) სივრცის გამოყენება ნებისმიერ ახალგაზრდას შეუძლია. ახალგაზრდების არაერთ ჯგუფს მიეცა შესაძლებლობა ბარის ტერიტორია საკუთარი მიზნებისთვის, სრულიად უფასოდ, გამოეყენებინა (რამდენიმე კვირის განმავლობაში ტარდებოდა იუმორისტული პროექტი STAND UP, არაერთმა არასამთავრობო ორგანიზაციამ გამოიყენა სივრცე ფოტოგამოფენებისთვის, სხვადასხვა ტიპის ღონისძიებებისთვის და ა.შ.). ზაფხულის განმავლობაში, "თაობა" საკუთარი ფინანსებით, აწყობდა კინოჩვენებებს, სადაც რუსთაველ ახალგაზრდებს სრულიად უფასოდ შეეძლოთ ფილმების ნახვა და მეგობრებთან ერთად სასიამოვნო საღამოს გატარება. თუმცა ზამთრის მოახლოებასთან ერთად, კინოჩვენებებმა დახურულ სივრცეში უნდა გადაინაცვლოს. მიუხედავად იმისა, რომ "თაობას" აქვს ასეთი სივრცე, ის კინოჩვენებებისთვის სათანადოდ აღჭურვილი არაა. იმ შემთხვევაში, თუ მოგვეცემა შესაძლებლობა, შევიძინოთ პროექტორი, პროექტორის ეკრანი და პუფები, "თაობა" უზრუნველყოფს, რომ ყოველ ოთხშაბათს, ნებისმიერი რუსთაველი ახალგაზრდა უფასოდ დაესწროს კინოჩვენებებს.

ვინ განკარგავს შესყიდულ ნივთებს ინიციატივის დასრულების შემდეგ?

ინიციატივა გრძელვადიანია, შესაბამისად, შესყიდული ნივთების გამოყენება წლის განმავლობაში იქნება შესაძლებელი, თუმცა საჭიროების შემთხვევაში, დონორ ორგანიზაციას შეუძლია, თავად განკარგოს შესყიდული ნივთები.

რამდენად თანაბრად ისარგებლებენ ქალები და კაცები შედეგად?

რასაკვირველია, ინიციატივას თანაბარი გავლენა ექნება როგორც მდედრობით, ისე მამრობით სქესზე. ნებისმიერი დაინტერესებული პირი შეძლებს, უფასოდ დაესწროს კინოჩვენებებს და გაატაროს სასიამოვნო საღამო მეგობრებთან ერთად, ყველანაირი დისკრიმინაციის გარეშე.