Goals

Problem statement:

კლიმატის გლობალური ცვლილება მნიშვნელოვან ეკოლოგიურ პრობლემად იქცა როგორც მთელი მსოფლიოსათვის, ისე საქართველოსთვის. ეს განსაკუთრებით ეხება საქართველოს სამხრეთ და სამხრეთ–აღმოსავლეთ ტერიტორიებს, სადაც რეალურად გამოიკვეთა ჰაერის ტემპერატურის მატების თანამდევი პროცესის – გაუდაბნოების განვითარების საშიშროება. ამ მოვლენას ხელი შეუწყო იმანაც, რომ საქართველოს მთელ ტერიტორიაზე თითქმის არ არსებობს ქარსაცავი ზოლები, რაც უარყოფით გავლენას იწვევს ნიადაგზე, მათი ნაყოფიერი ფენის განადგურების თვალსაზრისით და უარყოფით გავლენას ახდენს როგორც სამეურნეო სავარგულებზე ასევე სავარგულების გარშემო არსებულ დასახლებულ პუნქტებზე, მიკროკლიმატის ცვლილებებზე .
ქარსაცავი ზოლების აღდგენა სასურველ შედეგს მოიტანს ჩვენს მიერ შერჩეულ დასახლებულ პუნქტში მოსახლეობისთვის ჯანსაღი ეკოლოგიური გარემოს შექმნის თვალსაზრისით.

რას გააკეთებთ ამ ცვლილების მისაღწევად?

ქალაქ რუსთავის შემოსასვლელში, კერძოდ ქუთაისის ქუჩაზე , 22 -ე საჯარო სკოლის მიმდებარე ტერიტორია არის გამწვანების ზოლი, რომელი ეკუთვნის მუნიციპალიტეტს და არ არის გამწვანებული, აღნიშნული ადგილს აქვს კარგი სტრატეგიული მდებარეობა ქარსაცავი ზოლის გასაშენებლად. მთლიანი ტერიტორია არსი 433 მეტრი სიგრძის და 12 მეტრი სიგანის. სადაც შესაძლებელია ქარსაცავი ზოლისთვის ხეების 2 მწკრივად გაშენება( ჭადრაკულად) : პირველი მწკრივი - ძირითადი ქარსაცავი ზოლი დაირგვება ალვის ხეები. მეორე მწკრივი - დამხმარე ქარსაცავი ზოლი: დაირგვება საკმლის ხეები. აღსანიშნავია რომ ხეებს შორის მანძილი უნდა იყოს 2, 5 მ დან- 3 მეტრამდე, დაახლოვებით 290 ნერგი. პროექტის განხორციელების ეტაპები: 1. ტერიტორიის გაწმენდა ქვა–ღორღის, ბუჩქნარისა და დარჩენილი ძირკვებისაგან;(დაგვეხმარებიან სკოლის მოსწავლეები, პედაგოგები და ადგილობრივი თვითმართველობის ა.ი()პ უზრუნველყოფის თანამშრომლები.) 2. ნიადაგის პირველადი დამუშავება ღრმა მოხვნითა და დაფარცხვით;(დაგვეხმარებიან ადგილობრივი თვითმართველობის ა.ი()პ უზრუნველყოფის თანამშრომლები) 3. სანერგე მასალის დასარგავად სარგავი ადგილების მონიშვნა; (დაგვეხმარებიან მოსახლეობა, საჯარო მოხელეები და მოხალისე სამხედრო მოსამსახურეები) 4. სარგავი მასალის დასარგავად ორმოების ამოღება;(დაგვეხმარებიან მოსახლეობა, საჯარო მოხელეები და მოხალისე სამხედრო მოსამსახურეები) 5. ნერგების დარგვა; (დაგვეხმარებიან საჯარო მოხელეები, სკოლის მოსწავლეები,პედაგოგები, სამხედრო მოსამსახურეები და ადგილობრივი მოსახლეობა) 6. მორწყვის უზრუნველყოფა.(დაევალებათ სკოლის მოსწავლეებს, მოქალაქეებს და ადგილობრივი თვითმართველობის ა.ი()პ უზრუნველყოფის თანამშრომლებს)

ვინ განკარგავს შესყიდულ ნივთებს ინიციატივის დასრულების შემდეგ?

პროექტის დასრულების შემდეგ დარგული ხეების მორწყვაზე პატრონაჟს აღებს 22-ე სკოლის მოსწავლეები(გრაფიკი შედგება მოსწავლეებთან შეთანხმებით) და პერიოდულად შემუშავდება გრაფიკი მოხალისეებისთვისაც. ასევე მერიის კეთილმოწყობის სამსახურის თანამშრომლები იზრუნებენ ხეებზე. პროექტის ფარგლებში შეძენილი ინვენტარი გადაეცემა 22-ე სკოლას და ყველაზე აქტიურ მოხალისე რამდენიმე მოქალაქეს. აღნიშნული აქტივობა საშუალებას მოგვცემს ცნობიერება აუმაღლდეს მოქალაქეებსა და მოსწავლეებს კლიმატის ცვკლილელებებზე, ხეების დარგვის საჭიროებებზე, ამაში დაგვეხმარებიან ბიოლოგიის მასწავლებლებიც.

რამდენად თანაბრად ისარგებლებენ ქალები და კაცები შედეგად?

აღნიშნულ პროექტში მონაწილეობას მიიღებენ საჯარო მოხელეები, სკოლის მოსწავლეები,პედაგოგები, სამხედრო მოსამსახურეები და მოხალისე მოქალაქეები. აღნიშნულ პროექტში მონაწილეობას მიიღებენ როგორც ქალები ასევე კაცები.