Goals

Problem statement:

ძირითადი პრობლემა რის მოგვარებასაც პროექტის ფარგლებში ვაპირებთ, ეს არის ახალგაზრდული სივრცის არარსებობა ჩვენს ქალაქში. სკოლის უფროს კლასელებს აქვთ საკმაოდ დიდი თავისუფალი დრო და ინოვაციური იდეები, რომელთა განხორციელებისათვის საჭიროა უბრალოდ კეთილ მოწყობილი და ელემენტარულად აღჭურვილი სოციალური გარემო.თინეიჯერები უამრავ დროს ხარჯავენ ფუჭად მაშინ, როცა სკოლის შემდგომი განათლება და აქტივობები მნიშვნელოვანია მათი პიროვნული და კარიერული განვითრებისათვის მომავალში.

რას გააკეთებთ ამ ცვლილების მისაღწევად?

ცვლილებების მისაღწევად გვინდა შევქმნათ საჯარო სკოლის მიმდებარე ტერიტორიაზე ეგრეთ წოდებული ,,Fancy'' სივრცე სადაც ახალგაზრდები,სკოლის მოსწავლეეები და სამეზობლო თემის წარმომადგენლები შეძლებენ საკუთრი ინტერესების შესაბამისი სხვადასხვა აქტივობების ჩასატარებას(კონკურსი,კონცერტი,გამოფენა, სპორტული აქტივობა,ფესტივალი,კონფერენცია და ა. შ.) ასევე უბრალოდ დასვენებას ან მეცადინეობას ღია ცის ქვეშ, სეზონის შესაბამისად. ქ.რუსთვის 24-ე საჯარო სკოლის შიდა ეზო არის საუკეთესო ადგილი მსგავსი სივრცის შესაქმნელად. სკოლის თვითმართელობის ინიციატივით ეს ეზო დავასუფთავეთ და მწვანე ნარგავები დავრგეთ, თუმცა ეზოს ესაჭიროება განახლება , მცირედი ხელის შევლება, აღჭურვა ბაღის სკამებითა და მაგიდებით, გარე განათებით და დეკორატიული ქვიშის ბილიკებით.სასურველი იქნება პროექტის ფარგლებში შევძლოთ პატარა მობილური სცენის შეძენაც.ღონისძიებების ჩასატარებლად ასევე დაგვჭირდება ხმის გამაძლიერებელი აპარატურის შეძენა, რაც სკოლის სახსრებით ვერ ხერხდება.სკოლა ყოველთვის ცდილობს მოსწავლეთა ინიციატივებს მხარი დაუჭიროს და სკოლის თვითმმართველობის მიერ ორგანიზებულ პროექტებში ვიყენებთ იმ აპარატურას, რაც სკოლას უკვე გააჩნია და მისი შეძენა პროექტის ფარგლებში აღარ დაგვჭირდება.( პროექტორი, ეკრანი, ფოტოკამერა)იმ შემთხვევაში თუ ჩვენ შევძლებთ ამ პროექტის განხორციელებას, ვაპირებთ, მინიმუმ თვეში ერთხელ, აღნიშნულ სივრცეში მოვაწყოთ სხვადასხვა სახის აქტივობები და ეს პროგრამა მოთხოვნის შემთხვევაში შეგვიძლია წარმოვადგინოთ კიდეც.ღია ცის ქვეშ მოწყობილი სოციალური სივრცე საუკეთესო შესაძლებლობა და პრეცედენტი იქნება ჩვენს ქალაქში. ამ სივრცის გამოყენებას შეძლებენ არა მხოლოდ მოსწავლეები(1200-მდე მოსწავლე),პედაგოგები და მშობლები არამედ მიმდებარე ტრიტორიაზე მაცხოვრებლები (წინასწარი შეთანხმების საფუძველზე). მოსწავლეებში დავამკვიდრებთ მოხალისეობრივ კულტურას, როგორც სივრცის მოწყობის პროცესში , ასევე შემდეგ აქტივობებში ჩართვის მხრივაც. ჩვენ მზად ვართ საკუთარი ძალებით და მეგობრების დახმარებით პროექტის განხორციელებისათვის საჭირო ყველა საქმიანობა მოხალისეობრივად შვასრულოთ.

ვინ განკარგავს შესყიდულ ნივთებს ინიციატივის დასრულების შემდეგ?

სკოლის თვითმართველობა პასუხისმგებლობას აიღებს შეძენილი ინვენტარის და მოწყობილი ინფრასტრუქტურის მოვლა პატრონობაზე და ეს შეიძლება გაფორმდეს დოკუმენტალურად. ჩვენ ასევე ჩვენი ძალებით ვაპირებთ ამ სივრცეში დავრგოთ ყვავილები და სხვადასხვა დეკორატიული მცენარეები.

რამდენად თანაბრად ისარგებლებენ ქალები და კაცები შედეგად?

რა თქმა უნდა სკოლა არის ჩვენი სოციუმის ნაწილი, საჯარო დაწესებულება,რომელიც მორგებულია ქვეყნის პრიორიტეტებზე და ამიტომ გენდერული თანასწორობა ჩვენთვის ერთ-ერთი მთავარი პრინციპია.პროექტის ბენეფიციარები იქნებიან გოგონები და ბიჭები,მამაკაცები და ქალები თანაბრად.