Goals

Problem statement:

ახმეტის მუნიციპალიტეტში არსებობს 23 საჯარო სკოლა, მათგან 5 სკოლა მდებარეობს ეთნიკური ქისტებით დასახლებულ სოფლებში. ჩვენი ორგანიზაციის ერთ-ერთ პრიორიტეტს წარმოადგენს სპორტისა და ჯანსაღი ცხოვრების პოპულარიზაცია, ხშირად გვაქვს შეხვედრების სკოლის მოსწავლეებთან და პედაგოგებთან, აღმოჩნდა რომ მუნიციპალიტეტის არცერთ სკოლაში არ არსებობს ველოსიპედების სადგომები, სადაც მოსწავლეებს შეეძლებათ უსაფრთხოდ განათავსონ საკუთარი ველოსიპედი. პროექტის მომზადებამდე გავიარეთ კონსულტაციები მოსწავლეებთან და აღმოჩნდა, რომ მათ უმრავლესობას აქვს ველოსიპედი, თუმცა სკოლაში ვერ მიჰყავთ რადგან არ არსებობს შესაბამისი ადგილები უსაფრთხო პარკირებისათვის.

რას გააკეთებთ ამ ცვლილების მისაღწევად?

აღნიშნული პრობლემებიდან გამომდინარე ჩვენ ვგეგმავთ ახმეტის მუნიციპალიტეტის 8 სკოლაში (ბირკიანის, დუისის, მატნის #1, ახმეტის #1, #2, #3, ქისტაურის და ოჟიოს საჯარო სკოლები) მოვაწყოთ ველოსიპედების საპარკინგე ადგილები, თითოეულ სკოლაში გავაკეთებთ 10 ველოსიპედზე გათვლილ პარკინგს. პროექტის განხორციელებაში ჩაერთვებიან ჩვენი ორგანიზაციის თანამშრომლები, სკოლის პედაგოგები და მოსწავლეები. პროექტის განსახორციელებლად ჩვენ დაგვჭირდება შემდეგი მასალები: რკინის მილები - 200 მეტრი, რკინის მუხლები - 160 ცალი, კვადრატული მილი - 80 მეტრი, ელექტროდები - 3 შეკვრა, კუთხსახეხის ქვები - 10 ცალი, საღებავი - 6 ლიტრი, ფუნჯები - 16 ცალი, ცემენტი - 12 ტომარა, ქვიშა და ტრანსპორტირების ხარჯები (მასალის ტრანსპორტირება ახმეტამდე და გამზადებული სადგომების ტრაბსპორტირება ახმეტიდან სკოლებში). საერთო ჯამში - 2577 ლარი

ვინ განკარგავს შესყიდულ ნივთებს ინიციატივის დასრულების შემდეგ?

შესყიდული ნივთებისაგან გავაკეთებთ ველოსიპედის სადგომებს რომლებსაც დავამონტაჟებთ სკოლებში და გადავა სკოლის ადმინისტრაციის განკარგულებაში.

რამდენად თანაბრად ისარგებლებენ ქალები და კაცები შედეგად?

ველოსიპედის სადგომებით სარგებლობა თანაბრად შეეძლებათ როგორც ბიჭებს, ასევე გოგონებს, ყველაფერი დამოკიდებული იქნება მოსწავლეების სურვილზე რომ სკოლაში ველოსიპედით იარონ. ასევე პროექტის განხორციელებაში თანაბრად ჩაერთვებიან ქალები და მამაკაცები.