Goals

Problem statement:

ჭიათურა ინდუსტრიული ქალაქია და ეს ინდუსტრიულობა მის იერ-სახეზეცაა ასახული. ამ ქალაქში მრავალ საინტერესო ადგილს წააწყდებით. კულტურულ მემკვიდრეობად წოდებულ საბაგიროებს, უძველეს ეკლესია-მონასტრებს, დანგრეულ (მაგრამ ტურისტებისთვის მიმზიდველ), მიტოვებულ და ზოგისთვის მისტიურ შენობა-ნაგებობებს და ა.შ. ასევე მრავლადაა მღვიმე-გამოქვაბულები. მოკლედ რომ ვთქვათ, ჭიათურა დიდი ტურისტული პოტენციალის მქონე ქალაქია, რომლისთვისაც ტურიზმი მანგანუმის მოპოვებისა და მაღაროში დასაქმების ალტერნატივა უნდა გახდეს მომავალში.

ქალაქი კი ლამაზია და ნამდვილად ბევრი ღირსშესანიშნაობა გააჩნია, მაგრამ აკლია ნათელი ფერები, აკლია სიახლეები.
ვფიქრობ,რომ ,,სიყვარულის ხიდი“ ჭიათურაში სიახლე იქნება მოსახლეობისთვის. იგი ქალაქში შექმნის ესთეტიურ გარემოს. ის შეძლებს ყოველდღიურობა უფრო გაულამაზოს და გაუფერადოს ჭიათურელებს. ეს ხიდი, რომელზე გადასვლაც აუცილებლად მოუწევს ნებისმიერ სახლიდან გასულ ადამიანს, ქალაქის ცენტრში მდებარეობს. ამ ხიდის დიზაინის იდეა განსხვავებულია სხვა დანარჩენისგან. ის ერთი ჩვეულებრივი ხიდიარ იქნება და სწორედ ამიტომ მიიქცევს ჭიათურის ტურისტების ყურადღებასაც.

რას გააკეთებთ ამ ცვლილების მისაღწევად?

იდეის აღწერა: * მოიხატება ხიდის ზედაპირი; * ხიდზე ასასვლელი კიბეები მოიხატება და მათზე დაიწერება სიმბოლური წარწერები: * მოაჯირებზე განლაგებული იქნება ქოთნის ყვავილები; ხიდის ერთ მხარეს არის ქორწინების სახლი და სავაჭრო ცენტრები და მეორე მხარეს საბაგირო(რომლის მშენებლობაც დასასრულს უახლოვდება) და ასევე ეკლესია. ქორწინების სამოქალაქო რეგიტრაციის შემდგომ, წყვილი სურვილის შემთხვევაში ხიდის მეორე მხარეს დაიწერს ჯვარს. * ხიდის გვერდზე იქნება დაფა,რომელზეც იქნება მითითებული ხიდის დასახელება და check in Chiatura. *ასევე ხიდი უნდა განათდეს ,,საზეიმო" ნათურებით. (ჭიათურის მუნიციპალიტეტის მერია უზრუნველყოფს)

ვინ განკარგავს შესყიდულ ნივთებს ინიციატივის დასრულების შემდეგ?

ჭიათურის მუნიციპალიტეტის მერია და ჭიათურის მოსწავლეთა საკრებულო აიღებს პასუხისმგებლობას ამ ხიდის მოვლა-პატონობაზე.

რამდენად თანაბრად ისარგებლებენ ქალები და კაცები შედეგად?

ამ ინიციატივის განხორციელება ერთნაირად შეეხება ყველას, განურჩევლად სქესისა, ასაკისა, სოციალური თუ სხვაგვარი მდგომარეობისა. იგი შექმნის ესთერიურ გარემოს ქალაქში და ერთნაირად ასიამოვნებს ყველას. საინტერესო და მიმზიდველი სიახლე იქნება ყველასთვის. ამ ჩვენს ნაცრისფერ ქალაქში მეტ ფერსა და სიცოცხლეს შემოიტანს.