Goals

Problem statement:

ვიჰ რუე

ოჯახში ძალადობა და ქალების პირადი თავისუფლება პირდაღებული თემაა საქართველოში. რეგიონებში ამ თემაზე ძირითადად საერთაშორისო და ადგილობრივი არასამთავრობო ორგანიზაციების ტრენინგებზე ვსაუბრობთ. ტრენინგების მიღმა ამ სენსიტიურ თემებზე საუბარი რთულია, განსაკუთრებით შუა ასაკის ქალებისთვის რომლებსაც სოციუმში ამ თემებზე საჯაროდ საუბრის გამოცდილება და სითამამე არ გააჩნიათ. ქალების პირადი თავისუფლებისა და დამოუკიდებლობაზე საუბრისას, საქართველოში თითქოს უფრო ახლაგაზრდა ქალებს მოიაზრებენ. ვფიქრობ, თანამედროვე მხატვრული ფილმი "ჩემი ბედნიერი ოჯახი" ზუსტად იმ ასაკობრივ კატეგორიის ქალებზე აკეთებს აქცტენტებს, რომლებიც უმრავლესობა ვართ მაგრამ ხშირად არ ვართ სხვადასხვა დისკუსიების მონაწილე.

ჩემი მიზანია ამ ერთის მხრივ, ამ დისკუსიაში სხვადასხვა ასაკისა და გამოცდილების ქალების ერთად ჩართვა, ხოლო მეორეს მხრივ, ქალების გაძლიერება მათი დამოუკიდებელობისა და პირადი თავისუფლების საკითხებზე საჯარო მსჯელობით!

რას გააკეთებთ ამ ცვლილების მისაღწევად?

ჩემი მიზანია ქალების პირადი თავისუფლების/დამოუკიდებლობის საკითხებზე დისკუსიის წამოწყება სკოლის პედაგოგებს შორის ფილმზე "ჩემი ბედნიერი ოჯახი" დისკუსიით. ვფიქრობ რომ ფილმის თემატიკა ახლოსაა სკოლის პედაგოგებთან (და არა მარტო მათთან) და ამიტომ მისი ნახვა გაცილებით მარტივს გახდის ოჯახში ძალადობის/ქალის დამოუკიდებელობის/პირადი თავისუფლების საკითხებზე საუბარს ფილმის დისკუსიისას და იმედია, შემდგომაც. ვგეგმავ ფილმის საპილოტე ჩვენებას თელავის დემოკრატიული ჩართულობის ტექნიკური ბაზის დახმარებით, ცენტრი თელავში დიდი საზოგადოებრივი მხარდჭერით სარგებლობს და ეს ფაქტი აუცილებლად დამეხმარება ფილმის ჩვენებისა და დისკუსიის ორგანიზებაში. ოქტომბერი მასწავლებლების საერთაშორისო თვეა და დროულია ამ ფილმის ოქტომბერში ჩვენება. თუ ფილმის დისკუსია წარმატებული გამოდგა, მინდა ამ იდეისთვის რეგულარული სახის მიცემა და თვეში ერთხელ საინტერესო ფილმის ჩვენება სხვადასხვა საკითხებზე (გარემოს დაცვა, ქალთა საკითხები, მოქალაქეობა და ქვალდებულებები...) იმ ასაკის ქალებისთვის (ძირითადად), რომლებიც ხშირად ნაკლებად ერთვებიან ასეთ შემეცნებით-გასართობ ღონისძიებებში. სკოლის პედაგოგების მიმართ არსებული ობიექტური კრიტიკის ფონზე, ვფიქრობ საინტერესოა მათი ჩართვა სასკოლო საგენებს მიღმა არსებულ საინტერესო დისკუსიებში.

ვინ განკარგავს შესყიდულ ნივთებს ინიციატივის დასრულების შემდეგ?

შესყიდულ ნივთებს განკარგავს ორგანიზაცია რომელსაც წარმოვადგენ, ან შეიძლება ორგანიზაციამ ის გადასცეს თელავის დემოკრატიული ჩართულობის ცენტრს ორივე მხარის მიერ ნივთების თანაბარი პრინციპით გამოყენების დათქმით. რადგან თელავის დემოკრატიულ ცენტრს გააჩნია პროექტორი და ეკრანი, ამ ეტაპზე შესასყიდ ნივთებად ვფიქრობ დაგვჭირდება მხოლოდ დასაკეცი სკამები, მაგიდა და ტენტი - ეზოში ჩვენებებისთვის. ცენტრში სივრცით სარგებლობა ფასიანია, ხოლო ტენტის საკუთრებაში არსებობის შემთხვევაში, ფილმების ჩვენებას ტენტში შევძლებდით დამოუკიდებლად. სასურველი იქნება ჩვენებაზე მოსული აუდიტორიის გამასპინძლებაც (30 ადამიანი მაქსიმუმ). ინიციატივის დასრულების შემდგომ, შესყიდული ნივთები მხოლოდ და მხოლოდ საჯარო სიკეთისთვის უნდა დარჩეს ან ჩვენს ორგანიზაციას ან დემოკრატიულ ჩართულობის ცენტრს და ის უნდა იყოს უფასო ნებისიმერ დაინტერესებული მხარისთვის. ჩვენი ინიციატივის წარმატებული პილოტის შემთხვევაში, შესყიდულ ნივთებს კვლავ გამოვიყენებთ ფილმების ჩვენებისა და დისკუსიებისას.

რამდენად თანაბრად ისარგებლებენ ქალები და კაცები შედეგად?

ფილმის ჩვენება და შემდგომი დისკუსია ექსკლუზიურად ქალებისთვისაა, ვფიქრობ რომ ამ დისკუსიის გულწრფელობა და წარმატება ზუსტადაც იმაშია იქ მხოლოდ ქალები იქნებიან.