Goals
Problem statement:
სიძულვილის ენის წინააღმდეგ პროექტები მასშტაბურად ტარდება ევროპის სხვადასხვა ქვეყნებში. მისი მიზანია ებრძოლოს ჰომოფობიას, რასიზმს, ქსენოფობიას და ნებისმიერი სახის დისკრიმინაციას საზოგადოებაში. ამასთან, აამაღლოს ცნობიერება სიძულვილის ფარული გავრცელების შესახებ და აშკარად აჩვენოს მისი შედეგები თუ მოგვარების გზები. ჩვენი მიზანია განვახორციელოთ ეს პროექტი ლოკალურ ფარგლებში, კონკრეტულად გენდერული ბალანსის, რასიზმის და ლგბტ საზოგადოების პროფილით. ვინაიდან, საქართველო ჯერ კიდევ განვითარებადი ქვეყანაა, ჩვენი საზოგადოება არ არის საკმარისად გათვიცნობიერებული. ჩვენი თვალი ჯერ კიდევ შეუჩვეველია ტრადიციების და რელიგიის დოგმების ფარგლებს მიღმა ხედვას. მასკულინობის და ფემინურობის დისბალანსი, განსხვავებული ეთნოსი და ორიენტაცია საზოგადოებაში დაბნევას იწვევს და აღიქმება როგორც უცხო მოწესრიგებულ სოციუმში. ადამიანები არ არიან საკმარისად ინფორმირებულნი თუ როგორ იურთიერთობონ მათგან განსხვავებულ ინდივიდთან, ამიტომ რაც უკვე გაწერილი აქვს კულტურას ეთიკის ნორმებში მარტივია რომ იმას დაემორჩილონ. ჩვენი პროექტი საშუალებას იძლევა ვიმსჯელოთ დისკრიმინაციაზე, რომელიც აერთიანებს როგორც გენდერულ, ასევე რასისტულ და ჰომოფობიურ პრობლემებს. ლექტორებისა და სტუდენტების ინტერაქციის შედეგად მივიდეთ ჯანსაღ აზრამდე, რაც გულისხმობს ნებისმიერი სახის ძალადობის მაქსიმალურ აღკვეთას. ადამიანები ხშირად გაუცნობიერებლად ძალადობენ შედარებით „სუსტ“ ადამიანზე და ასე ცდილობენ დომინირებას. დომინანტის სტატუსი განსაზღვრავს მათ ძალაუფლებას, რაც ადვილად ფარავს მათში ჩანერგილ კომპლექსებს. ჩვენი მიზანია საზოგადოებას ნათლად დავანახოთ დისკრიმინაციის ეს ასპექტები. პროექტის ფარგლებში მონაწილეები მიიღებენ თეორიულ ცოდნას, თუ როგორ ებრძოლონ ძალადობას, ხოლო შემდეგ დაგეგმილი აქტივობები მოგვცემს საშუალებას დავაინტერესოთ ახალგაზრდების უფრო ფართო სპექტრი. თვალსაჩინო გახდება რატომ ჩნდება ძალადობა, რის დაფარვას ცდილობს ადამიანი ძალადობის განხორციელებით და როგორ ვრცელდება სხვა ადამიანებზე. მნიშვნელოვანია,გავაანალიზოთ რომ ძალადობის მსხვერპლნი არიან ჩვენი მეგობრები, ნათესავები და უბრალოდ უცნობი ადამიანები, რომელთა პირად სივრცეშიც უხეშად ვიჭრებით.
Proposed Solution:
პროექტი განხორციელდება ილიას სახელმწიფო უნივერსიტეტში, ერთ-ერთ აუდიტორიაში ან ილიაუნის წიგნის მაღაზია "ლიგამუსში". დაახლოებით 20 მონაწილე შეირჩევა აპლიკაციის მიხედვით და ამასთან დაინტერესებული პირებისთვის დასწრება იქნება თავისუფალი. პროექტის შესახებ ინფორმაციის გასავრცელებლად გამოვიყენებთ ილიას სახელმწიფო უნივერსიტეტის სტუდენტურ საქმეთა დეპარტამენტის FACEBOOK გვერდს და ილიაუნის სტუდენტებს გავუგზავნით შეტყობინებებს ელექტრონულ ფოსტაზე. მოსამზადებელი პერიოდი მოიცავს პოსტერების დამზადებას და საინფორმაციო დაფაზე განთავსებას ილიაუნის კორპუსებში. თითოეული ლექციის ხანგრძლივობა იქნება 1 საათი და 30 წუთი, რომელიც შეადგენს სამი სახის აქტივობას: I -1 საათის განმავლობაში მოწვეული სპიკერები ისაუბრებენ განსახილველი თემების შესახებ. II - (15 წთ) ნაჩვენები იქნება ვიდეო რგოლები აღნიშნული საკითხის შესახებ. III - (15წთ) აუდიტორიის დისკუსია. თემებია: 1. მასკულინობისა და ფემინიზმის პრობლემები. 2. სხვადასხვა სექსუალური ორიენტაციები და პრობლემები. 3.რასიზმი ქართულ რეალობაში. თითოეული თემა განხილული იქნება შემდეგი მიმართულებებით: 1. საიდან ჩნდება სიძულვილის ენა და როგორ ვრცელდება საზოგადოებაში. 2. ვინ და რა სახის დისკრიმინაციას განიცდის სიძულვილის ენის გავლენით. 3. როგორ აისახება ამ ადამიანების ცხოვრებაზე მსგავსი სახის დისკრიმინაცია. 4. კულტურის, რელიგიის, სტერეოტიპების, ტრადიციების გავლენა სიძულვილის ენაზე. 5. ტოლერანტობის მნივნელობა 5. როგორ ვებრძოლოთ სიძულვილის ენას. აღსანიშნავია რომ ლექციები ჩაიწერება, რათა განთავსდეს ილიაუნის YOUTUBE გვერდზე. ლექციების შემდგომი 2 დღე დაეთმობა მონაწილეების მიერ მოსამზადებელ პერიოდს, ხოლო ერთი დღე განხოციელებას. აქტივობები: 1. ვიდეორგოლის გადაღება, სადაც იქნება თემატური ფოტოები და სლოგანები. 2. ასევე, ნებართვის მიღების შემთხვევაში თემატური გრაფიტის დახატვა ილიაუნის ეზოში ან მიმდებარე ტერიტორიაზე მერიის ნებართვით. პროექტის დასრულების შემდეგ გამოცხადდება ფოტო(ნახატების) კონკურსი, ერთ თვეში გაიმართება გამოფენა სადაც ასევე იქნება მოკლე მიმოხილვა ჩატარებული პროექტის/აქტივობების და გამოვლინდება გამარჯვებული, რომელსაც გადაეცემა სიმბოლური პრიზი.
Sustainability:
პროექტის განხორციელების შედეგად შეიქმნება ვიდეო რგოლი, რომელშიც მონაწილეობას მიიღებს ყველა მონაწილე, ვიდეო რგოლი აიტვირთება YOUTUBE-ზე, რომელზე წვდომაც ექნება ყველა დაინტერესებულ პირს. მიღებული ცოდნისა და განვითარებული უნარჩვევების შედეგად, მონაწილეები შეძლებენ მომავალში თავად დაგეგმონ და ჩაატარონ მსგავს თემებზე საგანმანათლებლო და წამახალისებელი აქტივობები, მოახდინონ კომუნიკაცია დანარჩენ საზოგადოებასთან. მოხდება სალექციო კურსების ვიდეოზე აღბეჭდვა, რომელიც ასევე აიტვირთება YOUTUBE-ზე და ილიას სახელმწიფო უნივერსიტეტის სამეცნიერო ბაზაში.
Equal gender opportunity:
ნებისმიერი დისკრიმინაციის აღმოსაფხვრელად საჭიროა, როგორც ქალების, ასევე კაცების თანაბარი ჩართულობა საზოგადოებრივ აქტივობებში. პროექტის წარმატებისათვის მნიშვნელოვანია დაცული იყოს გენდერული ბალანსი, რათა ორივე მხარის ინტერესები თანაბრად იყოს გათვალისწინებული. ამიტომ, ჩვენს პროექტში თანაბრად მიიღებენ მონაწილეობას, როგორც მდედრობითი, ასევე მამრობითი სქესის წარმომადგენლები. შესაბამისად, პროექტის საბოლოო შედეგები თანაბარი მნიშვნელობის შემცველი იქნება გენდერული ბალანსის გამყარებისთვის.
Items Needed
Item | აღწერა | Vendor Info | Total | Purchased? |
Informational posters | Informational posters - 5 pieces, in order to put up on informational board of Ilia University. |
ბიბლუსი
ილია ჭავჭავაძის #10 +995 32 2 48 68 44 |
40,00 ₾ | |
Gift pens | Gift pens for lectures, who will hold the lectures. (three pens) |
ბიბლუსი
ილია ჭავჭავაძის #10 +995 32 2 48 68 44 |
60,00 ₾ | |
Printing photos | For competition of the photos. |
ფოტოსამყარო
თბილისი. მელიქიშვილის ქ. 6 032 293 21 98 |
400,00 ₾ | |
Graffiti | From the activities to be held at the of the project one will include painting graffiti in Ilia University yard, or in it's vicinity. |
Tornike Melikidze
კერძო პირი +995557232281 |
100,00 ₾ |
Similar Initiatives
Activity See All Activity
შესვლა first to add your own comment.Comments