Goals

Problem statement:

მოგეხსენებათ ავლაბარი ეთნიკურად ჭრელი დასახლებაა თბილისში, აქ ერთმანეთის გვერდით ცხოვრობენ ქართველი, სომეხი, რუსი მოქალაქეები. 77-ე საჯარო სკოლაში ვასწავლი სამოქალაქო განათლებას და უშუალო შეხება მაქვს ახალგაზრდებთან, რომელთა დამოკიდებულება თანატოლი სომხების ან სხვა ეთნიკური ჯგუფების მიმართ არც თუ პოზიტიურია. ეს ჩანს მათ მსჯელობებში, ხშირად იყენებენ სიძულვილის ენას. უმეტესობა თვლის, რომ განსხვავებული ეთნიკური ჯგუფები არ უნდა ცხოვრობდნენ საქართველოში.
ჩემი სურვილია, 77-ე საჯარო სკოლაში ჩამოყალიბდეს სამოქალაქო განათლების კლუბი, სადაც არა მხოლოდ ამ სკოლის მოსწავლეებს მიეცემათ შესაძლებლობა ჩაერთონ სხვადასხვა აქტივობებში, არამედ ამავე სკოლასთან ახლოს მდებარე 98-ე საჯარო სკოლის მოსწავლეებიც, რომლებიც ეთნიკურად სომხური და რუსული წარმომავლობის არიან. ისინი ერთობლივად განახორციელებენ სხვადასხვა პროექტებს, მოეწყობა კინოჩვენება, დისკუსიები, როლური თამაშები, თემატური აქციები, რაც ერთის მხრივ აჩვენებს მოსწავლეებს, რომ საერთო საქმის კეთების დროს ეთნიკურ წარმომავლობას არ აქვს მნიშვნელობა და ნახავენ ერთმანეთის საჭიროებას, ამაღლდება მათი ცნობიერება და გააძლიერებენ თავიანთ თემს.

Proposed Solution:

სკოლაში სამოქალაქო კლუბის ჩამოყალიბებით და მასში სხვადასხვა ეთნიკური ჯგუფების მოაწილეობით, ერთმანეთთან ურთიერთობით, ერთად სხვადასხვა საზოგადოებრივ პრობლემაზე ზრუნვით მოსწავლეები არა მხოლოდ პიროვნულ უნარ-ჩვევებს განივითარებენ, არამედ შეძლებენ სტერეოტიპული აზროვნების შეცვლას, სხვადასხვა ეთნიკური ჯგუფების მიმართ ნეგატიური დამოკიდებულების შემცირებას და მათთვის თანაბარი შესაძლებლობის მიცემას, რათა მულტიკულტურულ საზოგადოებაში თავი სრულფასოვან მოქალაქეებად იგრძნონ. სამოქალაქო კლუბში ჩართული მოსწავლეები სხვებსაც გაუზიარებენ თავიანთ იდეებს და უფრო მეტად ინტერკულტურულ საზოგადოებას მივიღებთ, სადაც ერთმანეთის განსხვავებულობის არ ეშინიათ იმიტომ, რომ ერთმანეთს უკეთესად იცნობენ.

Sustainability:

კლუბის მუშაობა არ იქნება ერთჯერადი ხასიათის, მისი საქმიანობა გრძელვადინი იქნება, რაც მდგრადობის გარანტია. კლუბის მონაწილეები განახლდება ყოველწლიურად და უფრო მეტ ახალგაზრდას მიეცემა განვითარების შესაძლებლობა. პროექტის დაფინანსების შემთხვევაში შეძენილი ნივთები გადაეცემა სკოლას და მისი გამოყენება გაგრძელდება იმავე მიზნით, რაც პროექტის დაწყებისას იყო გამიზნული.

Equal gender opportunity:

კლუბის მუდმივი მონაწილე იქნება 20 ახალგაზრდა. ათი მე-9 -10 კლასის მოსწავლე 77-ე საჯარო სკოლიდან და 10 მოსწავლე 98-ე საჯარო სკოლიდან, მათი შერჩევა მოხდება აპლიკაციის და მათ მიერ გამოვლენილი მოტივაციის საფუძველზე, გათვალისწინებული იქნება გენდერული ბალანსი, თუმცა ეს 20 მონაწილე იზრუნებს სკოლის სხვა საზოგადოების ჩართულობას და მათთვის სხვადასხვა აქტივობებს განახორცილებენ.