Goals

Problem statement:

ქალაქ ლაგოდეხში ორი საჯარო სკოლა ფუნქციონირებს. სკოლათა შორის დაშორება არც ისე დიდია, მაგრამ თავად ქალაქი ისეა განაშენიანებული, რომ მოსწავლეთა ერთ ნაწილს, რომელნიც მე-3 საჯარო სკოლის მოსწავლეები არიან, სკოლამდე მისასვლელად გაცილებით მეტი დრო სჭირდებათ, ვიდრე სხვა სკოლაში. ამიტომ, გადავწყვიტე, წინამდებარე პროექტი სწორედ მე-3 სკოლისათვის დამეგემა. მოსწავლეთა უმეტესობა სკოლაში ფეხით დადის, ხოლო შორი მანძილიდან ბავშვები და მოზარდები სატრანსპორტო საშუალებით მიდიან. თუმცა, დილის საათებში სკოლებისაკენ მიმავალი ცენტრალური ქუჩები ისეა გადატვირთული, რომ კერძო ავტომობილით ან სკოლის ავტობუსით გადაადგილება სულაც არ არის მოსახერხებელი, როცა გაცილებით დროულად და მოხერხებულად ეკოლოგიურად უსაფრთხო და ჯანმრთელობისათვის სასარგებლო ტრანსპორტის სახეობით - ველოსიპეტითაც შეიძლება. მაგრამ მოსწავლეები სკოლაში ველოსიპეტებით ერთი მიზეზის გამო ვერ დადიან. სკოლაში არ არის ველოსიპეტების პარკირების ადგილი, სადაც მოსწავლეები შესძლებდნენ ველოსიპეტების გაჩერებას როგორც მზიან, ისე წვიმიან ამინდში.
წარმოდგენილი იდეის მომზადებამდე, მომზადებამდე, გავესაუბრე მე-3 საჯარო სკოლის მოსწავლეებს - მეორედან მეთორმეტე კლასის ჩათვლით. ჩემი მიზანი იყო გამერკვია, რამდენად მნიშვნელოვანი და საჭიროა მათთვის სკოლაში სათანადო გარემოს შექმნა. ამჟამად აღნიშნულ სკოლაში 416 მოსწავლეა. მათგან, შემთხვევით შერჩევის პრინციპით, გამოკითხული იქნა 50 მოსწავლე. მოსწავლეთა განმარტებით, ველოსიპეტებით სკოლაში სიარული დიდ სიამოვნებას მიანიჭებდა და ცხოვრების ჯანსაღი წესის დამკვიდრებასაც შეუწყობდა ხელს. მაგრამ, იმის გამო, რომ სკოლაში არ არსებობს სათანადოდ დაცული გარემო ველოსიპეტების გასაჩერებლად, თავს იკავებენ მისი გამოყენებისაგან. ამასთან, სკოლაში აღმოვაჩინე 8 ბავშვი, რომელიც უპირობობის მიუხედავად, მაინც ველოსიპეტით მოდის სკოლაში, მაგრამ მას ან მეზობლად მცხოვრები ნაცნობი ოჯახების ეზოში აჩერებენ, ან სკოლის პირველი სართულის კიბის ქვეშა უჯრედში, სადაც მხოლოდ ორი ველოსიპეტი თავსდება. სამწუხაროდ, დაზიანების ან მოპარვის შიშით, ეზოში ველოსიპეტს ვერავინ ტოვებს.

რას გააკეთებთ ამ ცვლილების მისაღწევად?

იმისათვის, რომ სკოლაში ხელი შევუწყოთ მოსწავლეთა შორის ცხოვრების ჯანსაღი წესის დამკვიდრებას, სასიამოვნო და სახალისო გავხადოთ სკოლაში სიარული, საჭიროა, სკოლის ეზოში, რომელიც საკმაოდ დიდ ტერიტორიას მოიცავს, ველოსიპეტების გასაჩერებელი ადგილის მოწყობა, რომელიც გათვლილი იქნება მინიმუმ 50 ადგილზე და დაცული იქნება როგორც მზისაგან ასევე, წვიმიანი ამინდისაგან. აღნიშნული საკითხის მოგვარებით აქტიურად არის დაინტერესებული სკოლის დირექცია, რომელსაც მოსწავლეები ხშირად მიმართავენ თხოვნით, შეიქმნას საპარკინგე ადგილი. ასევე, მზაობას გამოხატავენ მოსწავლეთა მშობლებიც, რომლებიც მიიჩნევენ, რომ საკუთარ შვილებს სიამოვნებით გაუშვებენ სახლიდან ველოსიპეტით, რაც დაზოგავს მათ დროს და ამავდროულად, ხელი შეეწყობა მათი შვილების ჯანსაღ და ჯანმრთელ ცხოვრებას. პარალელურად, დაზიანებისაგან იქნება დაცული იქნება მათ საკუთრებაში არსებული ქონება - ველოსიპეტი. საჭიროების შემთხვევაში, ფონდისათვის წარდგენილი იქნება როგორც მშობლების, აგრეთვე, სკოლის დირექციის თანხმობის წერილი. ველოსიპატების პარკინგისათვის განკუთვნილი კონსტრუქცია წერტილოვან საძირკველზე დამაგრებულ საყრდენებზე აეწყობა და შედუღდება მილ-კვადრატების მარტივი კონსტრუქცია, ხოლო შემდეგ გადაიხურება მეტალო-კრამიტის სახურავით. მასში განთავსებული ველოსიპეტები დამაგრებული იქნება საკეტი ტროსით და კლიტით. ველოსიპეტების გასაჩერებელი ადგილი მოსწორდება ბეტონის საფარით. შედეგად, ქ. ლაგოდეხის მე-3 საჯარო სკოლის ეზოში, 65 კვ.მეტრი ფართის მქონე ტერიტორიაზე განთავსდება მარტივი ტიპის ველო-პარკინგის გადახურული კონსტრუქცია, რომლითაც ისარგებლებს სკოლის 50 მოსწავლე. მოსარგებლეთა შორის დაცული იქნება გენდერული ბალანსი, რაზეც ყოველდღიურ რეჟიმში იზრუნებს სკოლის დირექცია. მოსწავლეთა წასახალისებლად და ცხოვრების ჯანსაღი წესის პოპულარიზაციისათვის პროექტის დაფინანსების შემთხვევაში სამუშაოების დასრულების შემდეგ, მე-3 სკოლის მოსწავლეებისათვის მოეწყობა ველო-მარათონი.

ვინ განკარგავს შესყიდულ ნივთებს ინიციატივის დასრულების შემდეგ?

პროექტის წარმატებით განხორციელებაზე პასუხისმგებლობას აიღებს იდეის ავტორი -თამარ მუმლაძე, რომელიც ვალდებულია მე-3 საჯარო სკოლის ეზოში შექმნას პროექტთ დასაბუთებული და აღწერილი პარკინგის ადგილი - რკინის მარტივი კონსტრუქციით და სახურავით. მისი დასრულების შემდეგ, შექმნილი ინფრასტრუქტურა მიღება-ჩაბარების აქტის საფუძველზე გადაეცემა მე-3 საჯარო სკოლის დირექციას, რომელიც ვალდებულებად აიღებს მის მოვლა-პატრონობას. მაგალითად, რკინის კონსტრუქციის პერიოდულად შეღებვა და სხვა. პროექტის მომზადების პერიოდში აქტიური კომუნიკაცია მქონდა სკოლის ხელმძღვანელობასთან. შესაბამისად, საჭიროების შემთხვევაში, წარმოდგენილი იქნება სკოლის დირექციის თანხმობის წერილი სათანადო ფართის გამოყოფასა და მოწყობილი ინფრასტრუქტურის მოვლა-პატრონობაზე.

რამდენად თანაბრად ისარგებლებენ ქალები და კაცები შედეგად?

სკოლა, რომელშიც პროექტი უნდა განხორციელდეს, მდებარეობს ქ. ლაგოდეხში, ჭავჭავაძის ქუჩა N 49-ში. იგი გახლავთ სსიპ ლაგოდეხის მე-3 საჯარო სკოლა, რომელშიც დღეისათვის ირიცხება 416 მოსწავლე. მათგან 219 გოგონა და 197 ვაჟი. მოსწავლეთა 30%-ს ეთნიკური უმცირესობა (სომხები, რუსები, აზერბაიჯნელები) წარმოადგენს. განხორციელებული პროექტით თანაბრად ისარგებლებენ როგორც გოგონები, ასევე ბიჭები, რადგან ლაგოდეხში საკმაოდ პოპულარულ გადაადგილების საშუალებას წარმოადგენს ველოსიპეტი, რომელიც თანაბრად ხელმისაწვდომია ორივე სქესის ბავშვებისა და მოზარდებისათვის. ხოლო თანაბრადხელმისაწვდომობაზე აქტიურად იზრუნებს სკოლის ადმინისტრაცია, რომელიც მუდმივად ადევნებს თვალყურს ველო-პარკინგის დატვირთვისა და გამოყენების პროცესს.