Goals

Problem statement:

ოცდამეერთე საუკუნის ტექნოლოგიურმა წინსვლამ და ახალგაზრდების ტელეფონებსა და კომპიუტერზე მიჯაჭვულობამ ხელი შეუწყო მათ ფიზიკურ ინერტულობას. უახლესი კვლევებითაც დასტურდება, რომ ყოველწლიულად სპორტით დაკავებული ახალგაზრდების რიცხვი თანდადათანობით იკლებს, რაც განპირობებულია არამხოლოდ ახალგაზრდებისგან ინტერესის დაკარგვით, არამედ იმითაც რომ ქალაქ რუსთავი ვერ სთავაზობს მოზარდებს საკმარისი რაოდენობის სპორტულ წრეებს. რუსთავის ახალგაზრდობას საშუალება აქვს დაკავდეს ფეხბურთით, კალათბურთით, რაგბით, ხელბურთით. ასევე, ინდივიდუალური სპორტის სახეობებით, როგორიცაა ჭიდაობა, ძიუდო და სხვ. თუმცა, ყოველი მათგანი არის ფასიანი და გათვლილი უმეტესად ბიჭებისთვის. რაც ხელს უშლის გოგონების ჩართულობას სპორტულ აქტივობებში.
რამოდენიმე სიტყვით შევეხები სკოლაში სპორტის გაკვეთილსაც. მიუხედავად იმისა, რომ ყველა სკოლას სპორტის რომელიმე სახეობა აქვს არჩეული და ამ არჩევანში გოგონებსაც აქვთ მიღებული მონაწილეობა, საბოლოო ჯამში სპორტის გაკვეთილებზე ისეც ბიჭები არიან დაკავებული, ხოლო გოგონების როლი მაყურებლობით შემოიფარგლება.
ქალაქში ნაკლებად ხდება ჯანსაღი ცხოვრების პროპაგანდა. რაც პასიური ცხოვრების წესის მაპროვოცირებელია.

How will your initiative achieve/contribute to this change?

პროექტის მიზანია რუსთავის ახალგაზრდებში ჯანსაღი ცხოვრების პროპაგანდა და მათთვის ახალი სპორტის სახეობის შეთავაზება, რომელიც არის მარტივი, ენერგიული, სახალისო, გუნდური და ყველანაირი ფიზიკური მონაცემის მქონე მოზარდისთვის შესაძლებელი. სპორტის ეს სახეობაა დოჯბოლი. ის ახალია ჩვენი ქვეყნისთვის, თუმცა წესების სიმარტივის გამო ძალზედ ადვილია მისი შესწავლა და თამაში. დოჯბოლო კარგად არის განვითარებული აშშ-სა და ლათინურ ამერიკაში, ფეხს იკიდებს ევროპაშიც. რამდენიმე წელია ტარდება დოჯბოლის მსოფლიო ჩემპიონატიც. დოჯბოლი არის გუნდური თამაში. გუნდის შედგება 6 წევრისგან, (რომელთაგან მინიმუმ 2 უნდა იყოს გოგონა) თამაში მიმდინარეობს 6 ბურთით. მოთამაშის მიზანია მოედნის საკუთარი ნახევრიდან ბურთის სროლით და გარტყმით თამაშიდან გამოთიშოს მეტოქე გუნდის მოთამაშე. იმარჯვებს ის გუნდი, რომელიც მეტოქის გუნდის ყველა წევრს გამოთიშავს თამაშიდან. თამაშს ასევე აქვს ბევრი საინტერესო და გუნდური წესი. მაგ: თუკი, შენი თანაგუნდელის სხეულიდან ასხლეტილ ბურთს ხელში დაიჭერ, შენ თანაგუნდელს გადაარჩენ თამაშიდან გავარდნას და სხვ. პროექტის ფარგლებში, ვგეგმავ, დოჯბოლი ჩამოვაყალიბო სასკოლო სპორტის სახეობად. პირველ რიგში, ჩავატარებთ საინფორმაციო შეხვედრებს მოზარდებთან, როგორც სკოლებში, ასევე სხვადასხვა უბნის მინი-საფეხბურთო მოედნებზე მათთვის დოჯბოლის გასაცნობად. ავუხსნით წესებს და ჩავატარებთ საჩვენებელ თამაშებს. ვფიქრობ, თამაშის სიმარტივიდან და სახალისო ხასიათიდან გამომდინარე ახალგაზრდებში დიდ ინტერესს გამოიწვევს. განსაკუთრებით გოგონებში, რომლებსაც დიდი არჩევანი არ აქვთ სპორტის სახეობებში. სკოლებში, სადაც ჩავატარებთ პრეზენტაციას შედგება დოჯბოლის გუნდები. სკოლის გუნდებს გავუწევთ პროფესიონალურ (წესების ახსნა, სტრატეგიების სწავლება, თამაშის მსაჯობა) და ინვენტარულ (ბურთები, ფორმებით უზრუნველყოფა თამაშის მანძილზე) დახმარებას. პროექტის მეორე ეტაპზე, უკვე გაწვრთნილი და კარგად მომზადებული გუნდები მონაწილებას მიიღებენ ჩვენს მიერ ორგანიზებულ რვა გუნდიან ტურნირში. მონაწილე გუნდებს გადაეცემათ სამახსოვრო პრიზები. აღნიშნული პირველი ტურნირით, მინდა, საფუძველი ჩავუყარო დოჯბოლის ყოველწლიურ საქალაქო ტურნირს სკოლებს შორის. სპორტის ახალი სახეობის ჩამოყალიბება და წამახალისებელი ტურნირები ხელს შეუწყობს ჯანსაღი ცხოვრების წესის პროპაგანდას. ეს კიდევ ერთი წინ გადადგმული ნაბიჯი იქნება ჯანსაღი მომავალი თაობის ჩამოყალიბების გზაზე.

What will happen to your initiative and to the purchases?

შესყიდული ნივთები დარჩბა პროექტის ავტორს სამომავლო ტურნირების ჩასატარებლად

How will initiative provide equal opportunity for men and women?

ამ თამაშის ერთ-ერთი უპირატესობაა სწორედ ის, რომ მოთამაშეთა გენდერული ბალანსი მიახლოებულია იდეალურთან. წესების მიხედვით გუნდის 6 წევრიდან მინიმუმ 2 უნდა იყოს გოგონა. გუნდზეა დამოკიდებული გოგონებისა და ბიჭების თანაფარდობა. მაგ. 3 ბიჭი, 3 გოგო ან 4 გოგო, 2 ბიჭი