Goals
Problem statement:
სოფლის ცენტრის მიმდებარე ტერიტორია, დაახლოებით 500 კვმ, რომელიც ესაზღვრება სკოლისაკენ მიმავალ გზას, ფაქტიურად იყო ნაგავსაყრელად ქცეული. თხრილები, ანწლისა და მაყვლის ჯაგები, ნაგავი, ქვეწარმავლების ბუდედ ქცეული მთელი ეს ანტისანიტარია იყო არა სადმე განაპირას, არამედ სოფლის შუაგულში.
თემში გადავწყვიტეთ ამ ადგილის გასწორება - გაწმენდა და ვარდების ხეივნის გაკეთება, სადაც შესაძლებელი იქნება დასვენება, გასეირნება, პატარებისთვის ადგილის მოწყობა და საჭირბოროტო საკითხებზე სოფლის მოსახლეობის შეკრება. დაბინძურებული და გამოუყენებელი ადგილი გალამაზდება და ნაგავიც აღარ დაიყრება. აქვეა ფეხბურთისა და ფრენბურთის სტადიონი, ირგვლივ კი არ არის არც ერთი ხე მოსაჩრდილებლად, სიცხისგან თავის დასაცავად.
ჩვენ ტრაქტორით გავასწორებინეთ ეს ადგილი, გავიტანეთ ნაგავი და მოძიებული თანხით გავაკეთეთ ხეივნის ნაწილი -- ტერიტორიის სიგრძე 70 მეტრია, თანხა კი გვეყო 30 მეტრის სიგრძეზე კარკასისთვის. ამ პროცესში ჩაბმული იყო თემი - ქალები, მამაკაცები და ასევე ახალგაზრდები. რაც გაკეთდა, ყველას მოსწონს, მაგრამ გვინდა მთელ სიგრძეზე გავაკეთოთ ხეივანი.
აღსანიშნავია, რომ სოფელში, სადაც დაახლოებით 250 კომლია, არსად არა გვაქვს ნორმალური დასვენების და თავშეყრის ადგილი.
Proposed Solution:
დაფინანსების შემთხვევაში გამოვა ძალიან ლამაზი გრძელი (70 მეტრი), სხვადასხვა ვარდებით დატვირთული ხეივანი. ჩვენი სახსრებით გავამწვანებთ, დავრგავთ ბუჩქებს, მოვაწყობთ ქვის ბილიკებს და დავდგამთ სკამებსა და ურნებს, რათა ნაგავი არ დაიყაროს. ხეივანს ჩამოუდის სარწყავი არხი, რომლის ნაპირზეც რიგზე დავრგავთ ტირიფებს. რადგან ადგილი უკვე არის მზად და ხეივნის ნაწილიც გაკეთებულია, გვესაჭიროება მასალა: რკინა, მავთული, ცემენტი, საღებავი და სხვა, რომლის შესაძენადაც საჭიროა 1881 ლარი.
თემის წევრები ერთად ჩაერთვებიან ამ მიზნის განხორციელებაში: დაჭრიან რკინას, შეღებავენ, ჩააცემნტებენ საყრდენ ბოძებს, შეადუღებენ და შეკრავენ კარკასს. უფროსებთან ერთად იმუშავებენ უფროსკლასელი ვაჟები და გოგონები.
Sustainability:
ხეივანი იქნება ყოველთვის სოფლის მოსახლეობისთვის დასასვენებელი ადგილი. ყოველთვის იფუნქციონირებს და იქნება მუდამ თემის საკუთრებაში. საკუთარი ხელით გაკეთებულს კი ყველა გაუფრთხილდება და მათ საყვარელ დასასვენებელ ადგილად იქცევა. რაც ყველაზე მნიშვნელოვანია, აღარ დაიყრება ნაგავი და ანტისანიტარიის ნაცვლად სოფლის ცენტრი ვარდების ხეივნით გალამაზდება. ამ ადგილის კეთილმოწყობა იქნება სასარგებლო არა მარტო თემისთვის, არამედ ჩამოსული სტუმრებისთვისაც. თანაც დარწმუნებული ვართ, რომ ჩვენი ხეივნის ნახვის შედეგად სხვა სოფლებიც მოგვბაძავენ და ჩვენი ხეობის სოფლები ბევრად უფრო გამწვანებული და გალამაზებული იქნება.
Equal gender opportunity:
ხეივნის გაკეთების დასაწყის ეტაპზე, სოფლის მოსახლეობა დიდი ენთუზიაზმით ჩაერთო განურჩევლად ასაკისა და სქესისა. ამ ხეივნის გაფართოებისთვის დაფინანსების შემთხვევაში უფრო მეტი ადამიანი მიიღებს მონაწილეობას.
დიდად მნიშვნელოვანია ისიც, რომ ადამიანები იგრძნობენ, თუ რამდენად სასარგებლოა საქმის კეთება არა მარტო კერძო სარგებლის მისაღებად, არამედ ზოგადად თემისთვის.
Items Needed
Item | აღწერა | Vendor Info | Total | Purchased? |
cement | 150 კგ |
ზურაბ ბაბულაიძე
ქ.ახმეტასანაპიროს ქ.#8 |
36,00 ₾ | |
Transport fee | მასალების ტრანსპორტირება ქ.ახმეტიდან სოფ. ბირკიანში (30 კმ) |
ზურაბ ბაბულაიძე
ქ.ახმეტასანაპიროს ქ.#8 |
40,00 ₾ | |
electrode. | 1 შეკვრა (რკინის შესადუღებლად) |
ზურაბ ბაბულაიძე
n/a 558 590 590 |
15,00 ₾ | |
Tube | 48 მეტრი (60x40x2 მმ) ტრუბა კვადრატი |
ზურაბ ბაბულაიძე
ქ.ახმეტა სანაპიროს ქ.#8 |
304,00 ₾ | |
wire | 200 მეტრი მავთული უჟანგავი |
ზურაბ ბაბულაიძე
ქ.ახმეტასანაპიროს ქ.#8 |
50,00 ₾ | |
Tube | 96 მეტრი ( 40x20x2 მმ) |
ზურაბ ბაბულაიძე
ქ.ახმეტა სანაპიროს ქ.#8 |
512,00 ₾ | |
Iron materials | 60 მეტრი (30x30x2)რკინის კუთხოვანა |
ზურაბ ბაბულაიძე
ქ.ახმეტა სანაპიროს ქ.#8 |
180,00 ₾ | |
paints | 2 ყუთი, მეტალის შესაღები, შავი ფერი |
ზურაბ ბაბულაიძე
ქ.ახმეტასანაპიროს ქ.#8 |
52,00 ₾ | |
wire net | 80 მეტრი, სიმაღლე - 150 სმ |
ზურაბ ბაბულაიძე
ქ.ახმეტასანაპიროს ქ.#8 |
480,00 ₾ | |
armature | 6 მეტრი (10 მმ) |
ზურაბ ბაბულაიძე
ქ.ახმეტასანაპიროს ქ.#8 |
12,00 ₾ | |
welder fee | 4 დღე |
ერმალო ბაღაკაშვილი
ახმეტის რაიონი, სოფ. ბირკიანი 596 10 96 84 |
200,00 ₾ |
Similar Initiatives
Activity See All Activity
შესვლა first to add your own comment.Comments