Goals

Problem statement:

-სოფელი კასრისწყალი საქართველოს უკიდურეს სამხრეთ-აღმოსავლეთში შირაქის ზეგანზე მდებარეობს, რომელიც საქართველოს სემიარიდული ზონაა და მანდვილი ნახევარუდაბნოს ლანდშაფტია. გვალვა ზაფხულში რამოდენიმე თვე გრძელდება და ჰაერის ტემპერატურა 40 გრადუსს სცდება, გამწვანების სიმცირე ხელს უწყობს სახლების და გზების გახურებას, რაც სოფელში ყოფნას გაუსაძლისს ხდის. სოფელში არის ხეები რომელთა რაოდენობაც მხოლოდ ათეულებით გამოისახება, ზამთარში შეშის სიმცირიდან გამომდინარე ხდებოდა ხეების დიდი რაოდენობით მოჭრა ვინაიდან არ არსებობდა პირობები ტყიდან სათბობი შეშის მოპოვების(აღნიშნულმა პრობლემამ მწვანე საფარი ეკოლოგიურ კატასტროფამდე მიიყვანა თამამად შეიძლება ითქვას რომ გაუდაბნოება აქტიურად მიმდინარეობს ხდება ნიადაგის დეგრადაცია). ამ დროისთვის საწვავი შეშის პრობლემა მოგვარებულია ახმეტის მუნიციპალიტეტის მერიის მიერ. ბოლო წლებში მოსახლეობა ცდლობს დარგოს ხეები და მოუფრთხილდეს არსებულს, წინა წელს რამოდენიმე ასეული ხე იქნა დარგული, სამწუხაროდ სრულად "გახარება" ვერ მოხერხდა სოფელში საქონლის გადაადგილების გამო.
2017 წელს სათემო კავშირი „ალვანი 2000“-მა გარემოს გლობალური ფონდის მცირე გრანტების პროგრამის ფარგლებში ჩვენს სოფელში დაიწყო პროექტის „საქართველოს სემიარიდულ ზონაში მდებარე სოფელ კასრისწყალის განვითარება ლანდშაფტურ მიდგომებზე დაფუძნებული სათემო ინიციატივების ხელშეწყობით“ განხორციელება. ამ პროექტის ხელშეწყობით შეიქმნა სოფლის განვითარების საინიციატივო ჯგუფი, შემუშავდა სათემო განვითარების გეგმა. ამ გეგმის ერთ-ერთ აქტივობად განისაზღვრა სოფლის გამწვანებაზე ზრუნვა. გამწვანების პრობლემა ზოგადად მეტად აქტუალურია ჩვენი მხარისთვის, გამწვანების აქციები ერთადერთი გამოსავალია მწვავე ეკოლოგიური პრობლემის მოსაგვარებლად.

Proposed Solution:

-აღნიშნული პრობლემის მოგავრების ერთადერთი გზა სოფელში მწვანე საფარის გაზრდაა, ამისთვის სათემო კავშირი „ალვანი 2000“ უზრუნველყოფს შესაბამისი სპეციალისტის მოძიებას, რომელიც შეარჩევს ისეთ ხე-მცენარეების ჯიშებს, რომლისთვისაც მისაღებია ადგილობრივი კლიმატური და ნიადაგობრივი პირობები სრულყოფილად განვითარებისთვის. ასევე სათემო კავშირი „ალვანი 2000“ ადგილობრივ მაცხოვრებლებს ჩაუტარებს ტრენინგს შერჩეული ხე-მცენარეების დარგვის და მოვლა-პატრონობის შესახებ. ადგილობრივი საინიციატივო ჯგუფი მოიძიებს შერჩეული ხეების სახეობებს სანერგეში და უზრუნველყოფს ადგილობრივ მოსახლეობასთან ერთად მათ ჩარგვას სოფელში შესასვლელი გზის პირზე ორივე მხარეს და იმ ადგილებში სადაც გამწვანება არ არის ან ძალიან მცირეა. თუმცა ხეები რომ შინაურმა ცხოველებმა არ გააფუჭონ საჭირო იქნება მათი დაცვა ღობის საშუალებით. აღნიშნული მოქმედებები მოსახლეობას ჩართავს მეტ გარემოს დაცვით აქტივობებში. პრობლემის მოგავრება გაზრდის ჟანგბადის დონეს, შემცირდება ჰაერის დაბინძურება, დაიცავს ნიადაგს დეგრადაციისგან და გადაარჩენს სოფელ გაუდაბნოებისგან.

Sustainability:

-სოფლის მოსახლეობა და საინიციატივო ჯგუფი იზრუნებს გვალვიან პერიოდში ხეების მორწყვაზე და ნარგავების სარეველებისგან გასუფთავებაზე. ასევე განახორციელებს სპეციალისტის მიერ რეკომენდირებულ აგროტექნიკურ ღონისძიებებს.რაშიც გამოიყენებს მოთხოვნილ ნივთებს, ამასთან აღნიშნული ნივთები შემდეგ მოხმარდება როგორც გარემოს დაცვით აქტივობებს სოფელში ისე სოფლის განვითარებას.
ბიუჯეტი: კერძოდ ნერგების და მისი ტრანსპორტირების თანხას ვერ ვწერ ვინაიდან შესარჩევია ხის ჯიშები და მოსაძიებელი აღნიშნული პუნქტი პროექტის განხორციელების დროს დაზუსტდება და მერე მოხდება შეძენა ნერგების.

Equal gender opportunity:

-სოფლის განვითარების საინიციატივო ჯგუფში გაერთიანებული არიან როგორც მამაკაცები, ასევე ქალები. პროექტის განხორციელების პროცესში ჩართულები იქნებიან ძირითადად ადგილობრივი ახალგაზრდები და სკოლის უფროსკლასელი მოსაწავლეები (ბიჭებიც და გოგონებიც). პროექტით გათვალისწინებულ სამუშაოები გააერთიანებს ადამიანებს მათი სქესის მიუხედავად.