Goals

Problem statement:

მე ვარ ნინო ნადაშვილი, სოფ.დარბაზის ქართული ენის მასწავლებელი. ჩემი პროექტი ემსახურება აზერბაიჯანელი ახალგაზრდებისათვის სახელმწიფო ენის შესწავლას.სოფელი დარბაზი არის ეთნიკური აზერბაიჯანელებით დასახლებული მაღალმთიანი სოფელი. სოფელში მცხოვრებ მოზარდებს არ აქვთ კომუნიკაცია ქართველებთან,არ ესმით ქართული ლაპარაკი და თავადაც არ უწევთ ამ ენაზე საუბარი. მოსწავლეები მხოლოდ ქართული ენის მასწავლებლების საუბარს ისმენენ,რაც დამეთანხმებით,არ არის საკმარისი სახელმწიფო ენის შესწავლისათვის. მხოლოდ 45 წუთიანი გაკვეთილი ვერ უზრუნველყოფს სახელმწიფო ენის იმ დონეზე შესწავლას,რომ შემდგომ მათ თავი ამ ქვეყნის სრულფასოვან მოქალაქეებად იგრძნონ. სახელმწიფო ენის სრულყოფილი დაუფლება საშუალებას მისცემს მათ მიიღონ სკოლის შემდგომი პროფესიული თუ უმაღლესი განათლება, ჩაერთონ ადგილობრივი თვითმმართველობისა თუ ადგილობრივი თემის განვითარებაზე მომუშავე ჯგუფების მუშაობაში. მიიღონ მათთვის საჭირო ინფორმაცია და მოხდეს მათი სრული ინტეგრირება.

Proposed Solution:

სოფელში არ არის არც კულტურის სახლი და არც სხვა რაიმე დაწესებულება,სადაც სოფლის ახალგაზრდობა ივლიდა და გართობასთან ერთად განათლებასაც მიიღებდა. ჩემი პროექტის მიზანია თავდაპირველად საბაზო და საშუალო საფეხურის მოსწავლეებს კვირაში ერთხელ მივაწოდოთ ქართული და ქართულ ენაზე გახმოვანებული ფილმები.(,,შერეკილები".რეჟისორი ელდარ შენგელაია, ,,ნატვრის ხე".რეჯისორი თენგიზ აბულაძე, ,, როცა აყვავდა ნუში" რეჟისორი ლანა ღოღობერიძე. ,,რადიო-RADIO" რეჟისორი: მაიქლ ტოლინი. ,,თავისუფლების მწერლები-freadom writers"რეჟისორი: რიჩარდ ლაგრავენესი. ,,მისტერ ჩერჩი-Mr.Church"რეჟისორი: ბრიუს ბერესფორდი. იმპერატორთა კლუბი- The emperor's club"რეჟისორი: მაიკლ ჰოფმანი. ,,პიანისტი-The pianist" რეჟისორი: რომან პოლანსკი. ,,შინდლერის სია-
შინდლერის სია
SCHINDLER'S LIST" რეჟისორი: სტივენ სპილბერგი. ,,კრამერი კრამერის წინააღმდეგ- KRAMER VS. KRAMER".რეჟისორი: რობერტ ბენტონი. ,,მკვდარი პოეტების საზოგადოება-DEAD POETS SOCIETY"რეჟისორი: პიტერ უირი. ,,მე მქვია სემი-I AM SAM"რეჟისორი: JESSIE NELSON. ,, მოსამსახურე-THE HELP"რეჟისორი: TATE TAYLOR.,,უხილავი მხარე-THE BLIND SIDE"რეჟისორი: ჯონ ლი ჰენკოკი.,,ფორესტ გამპი-FORREST GUMP"რეჟისორი: რობერტ ზემეკისი...)
ჩვენების შემდეგ მოხდება ფილმის შინაარსისა და მასში წამოჭრილი პრობლემების განხილვა( რა თქმა უნდა ქართულ ენაზე). ვფიქრობ ეს ხელს შეუწყობს არა მარტო ქართული ენის შესწავლას, არამედ მათი ცნობიერების ამაღლებასაც.მოთხოვნისდა შესაბამისად შესაძლებელია კინოსეანსის ჩატარება კვირაში ორჯერაც.
უყურადღებოდ არ დაგვრჩება დაწყებითი საფეხურის მოსწავლეები და მათ შევთავაზებთ ანიმაციურ და საბავშვო ფილმებს.(ქართული ანიმაციური ფილმები: ,,წუნა და წრუწუნა, ,,მტრობა", ,,სოფლის მაშენებლები", ,, ყურშა გაყოყოჩდა", ,,საზამთრო", ,,თერძი ბესო", ,,თოვლის გუნდა", ქართული მხატვრული ფილმი,,მანანა", ,, არდადეგები" ქართულ ენაზე გახმოვანებული ანიმაციური ფილმები ,,მეფე ლომი-King Lion", ,,გაყინული / Frozen", ,,ყინულის დედოფალი / Snow Queen". ,, 101 დალმატინელი-101 DALMATIANS (ANIMATION)", ,,ურჩხული და მზეთუნახავი-Beauty and the Beast", ,,პოლარული ექსპრესი-THE POLAR EXPRESS"ნარნიას ქრონიკები"

Sustainability:

მოსმენითა და ფილმებით ენის შესწავლა საკმაოდ წარმატებული მეთოდია, მით უმეტეს თუ ჩვენებას მოჰყვება ფილმის განხილვაც.ვეცდებით,ფილმები ისე შევარჩიოთ,რომ გავითვალისწინოთ მოსწავლეთა ინტერესებიცა და თემის საჭიროებებიც.(მაგ. გენდერულ თანასწორობაზე,ტოლერანტობაზე, განათლების საჭიროებასა და ნაადრევ ქორწინების შედეგებზე....).
პროექტის ფარგლებში მიღებული ,,ნოუთბუქი" და პროექტორი დარჩება სკოლის ქართული ენის კაბინეტს. მას წარმატებით გამოიყენებენ პედაგოგები საგაკვეთილო პროცესში,რაც გამოადგება არა მხოლოდ ქართულის მასწავლებლებს, არამედ სხვა საგნების მასწავლებლებსაც.

Equal gender opportunity:

ამ პროექტში თანაბრად იქნებიან ჩართულები როგორც გოგონები ასევე ვაჟები.