Goals

Problem statement:

გიორგი შატბერაშვილის (ყოფილი ქობულეთის აღმართი) ქუჩას აქვს მიბმული პატარა ქუჩები, შატბერაშვილის I შესახვევი, II შესახვევი, I ჩიხი და II ჩიხი. აღნიშნული პატარა ქუჩები მჭიდროდ დასახლებულია. ძირითადად აქ მდებარეობენ კერძო სახლები, თითოეულ მათგანში კი ცხოვრობს რამდენიმე ოჯახი. აღნიშნულ სახლებს, უმრავლეს შემთხვევებში არ აქვთ ნომრები მითითებული. მთელს შატბერაშვილის ქუჩაზე ნომერი მითითებულია მხოლოდ რამდენიმე ადგილას, ხოლო მინიშნება იმაზე თუ სად იწყება ჩიხი, ან შესახვევი და რა ნომერია ესა თუ ის სახლი არსად არ გვხვდება. მოსახლეoბის ნაწილს საკუთარი ხელით მიწერილი აქვს ნომერი საკუთარ სახლზე, თუმცა არაადგილობრივი ადამიანისთვის მაინც გაურკვეველი რჩება ეს სახლი შატბერაშვილის რომელიმე შესახვევია, ჩიხია თუ ძირითადი ქუჩაა. ასევე, ამ პატარა ქუჩებს კვეთს სხვა ქუჩებიც, მათ შორის ბურკიაშვილის ქუჩა, რაც კიდევ უფრო ართულებს მდგომარეობას და აბსოლუტურად შეუძლებელი ხდება სასურველი მისამართის მიგნება. ეს პრობლემა არ იქნებოდა ასეთი მნიშვნელოვანი, რომ არა ერთი ფაქტი: სასწრაფო სამედიცინო დახმარების მანქანები უმრავლეს შემთხვევებში ვერ აგნებენ გამოძახებულ ადგილებს და ძალიან დიდი დრო იხარჯება მისამართების გარკვევაში. ამასობაში კი პაციანტის ჯანმრთელობა და ზოგჯერ სიცოცხლე წუთებზეა დამოკიდებული. ალბათ თქმაც არ უნდა რომ მისამართებს ვერ აგნებენ ვერც ტაქსები და სტუმრები. ადგილობრივი მოსახლეობის კეთილდღეობისთვის ძალიან მნიშვნელოვანია ყველა სახლს ჰქონდეს მითითებული ნომერი და ყველა ქუჩაზე იყოს ქუჩის, შესახვევის თუ ჩიხის სახელწოდება და ნომერი.

Proposed Solution:

საჭირო ხელსაწყოების და მასალის შეძენის შემთხვევაში, მე თავად დავამზადებ ხის აბრებს ზუსტი მისამართების მითითებით (ქუჩა და ნომერი) და დავამაგრებ შატბერაშვილის II შესახვევებში და ბურკიაშვილის ქუჩაზე. ხოლო შატბერაშვილის I შესახვევის, I და II ჩიხების დასაწყისში დავამაგრებს აბრებს ჩიხისა და შესახვევის მითითებით. მაცხოვრებლებთან ერთად დავამაგრებ ყველა აბრას საკუთარ ადგილას. აბრები იქნება ლამაზი და ხარისხიანი და ხანგრძლივად შეასრულებს საკუთარ მოვალეობას. აღნიშნული საქმიანობა სარგებელს მოუტანს ზემოაღნიშნული ქუჩების მაცხოვრებლებს და ისინი ყოველგვარი შეფერხების გარეშე მიიღებენ სასწრაფო სამედიცინო დახმარებას, ფოსტის და ტაქსის მომსახურებას. ასევე, კომფორტული იქნება სტუმრებისა და გამვლელებისთვის, რომლებსაც ზუსტად ეცოდინებათ სად რომელი ჩიხი, რომელი შესახვევი, რომელი ქუჩა და ნომერია. ყველაზე მნიშვნელოვანი არის ის, რომ სამედიცინო მომსახურება, რომელიც ასეთი მნიშვნელოვანია სწრაფად მივიდეს დანიშნულების ადგილას, ადვილად შეძლებს მისამართის მიგნებას და პაციენტთან დროულად მისვლას.

Sustainability:

აქტივობების ძირითადი ნაწილი, კერძოდ კი შატბერაშვილის მეორე შესახვევის და ბურკიაშვილის ქუჩის ყველა სახლისათვის და ჩიხებისა და მეორე შესახვევის მიმანიშნებელი აბრების დამზადება განხორციელდება 3 თვის განმავლობაში. ამ დროის განმავლობაში გამოვიყენებ იმ მასალას, რომელიც მოთხოვნილია პროექტის ფარგლებში. თუმცა საქმიანობას ამ მიმართულებით არ შევწყვეტ. ვინაიდან აბრები შესრულებული იქნება ხის მასალით, ის იქნება მყარი, ხარისხიანი, ხანგრძლივად გამოყენებადი და რამდენიმე წელი გაძლებს შეუცვლელად. მაგრამ, დაზიანების შემთხვევაში, გავაკეთებ ახალ აბრას, ან შევაკეთებ ძველს და დავკიდებ იგივე ადგილას. ასევე, ეტაპობრივად დავამზადებ დამატებით აბრებს და დავამაგრებ შატბერაშვილის I შესახვევში და I და II ჩიხებში. ამ შემთხვევაში მასალა იქნება საკუთარი, ან, სურვილის შემთხვევაში, მოსახლეობის ფინანსებით შეძენელი.

Equal gender opportunity:

სარგებელი გადანაწილდება თანაბრად