Goals

Problem statement:

-სოფლის მოსახლეობა ფაქტიურად არ არის ჩართული არანაირი სახის სამოქალაქო აქტივობაში, მათ სჭირდებათ გარკვეული მოტივაცია, რომ იზრუნონ სოფლის (თემის) კეთილდღეობაზე.
პროექტის მიზანია ჩემს თემში სამოქალაქო აქტივობის წახალისება, მოსახლეობის გააქტიურება.
სოფლის მაცხოვრებელთათვის (90 ოჯახი) ძალიან აქტუალური და მნიშვნელოვანია სოფლის შესასვლელში მდებარე ტერიტორიის აღდგენა/ მოწესრიგება - ობელისკის აღდგენა, შეხვედრების სივრცის შექმნა, ჭიშკრის შეკეთება და მიმდებარე სკვერის დასუფთავება.
ამ ეტაპზე მაქვს შეგროვებული 83 მაცხოვრებლის ხელმოწერა, რომლებიც აღნიშნული პროექტის განხორციელებას მიესალმებიან და მათი უმეტესობა მზადაა მოხალისეობრივად ჩაერთოს აღნიშნულ აქტივობაში.
მსგავსი თემის მობილიზაცია გამოიწვევს მოსახლეობაში (განსაკუთრებით ახალგაზრდებში) სამოქალაქო პასუხისმგებლობის გაღვივებას, მოტივაციის ამაღლებას, ახალი პროექტების იდეების სტიმულირებას.

Proposed Solution:

-ინიციატივა შედგება სამი ძირითადი ნაწილისგან -
1- დასუფთავების აქცია,
2- შეხვედრების სივრცის შექმნა (ხისგან დამზადებული გადახურული სივრცე, სადაც მაგიდა და სკამები განთავსდება) და ჭიშკრის შეკეთება
ორივე ეს აქტივობა განხორციელდება მოხალისეობრივ საწყისებზე, თავად თემის წარმომადგენლების მიერ.
3. ობელისკის აღდგენა - საჭირო იქნება შესაბამისი მასალების შეძენა და მომსახურების დაქირავება. აღნიშნული ობელისკი სოფლისთვის ძალზე მნიშვნელოვანია, ის მეორე სამამულო ომში დაღუპულ 49 გმირის ხსოვნას უკავშირდება. (სოფლიდან 101 მეომარი იყო წასული ომში და მათგან 49 ვერ დაბრუნდა). კონკრეტულად ამ ობელისკის აღდგენა სოფლის მაცხოვრებლებისათვის განსაკუთრებულად მნიშვნელოვანია.

Sustainability:

-შესყიდული მასალა და მომსახურება მთლიანად მოხმარდება ობელისკის აღდგენას. პროექტის სხვა აქტივობები განხორციელდება თავად თემის ჩართულობით, მოხალისეობრივად. აღნიშნული პროექტის განხორციელება გამოიწვევს მოსახლეობის მოტივაციის ამაღლებას, რომ ხელი შეუწყონ სხვა სათემო მნიშვნელობის საკითხების მოგვარებასაც. აღსანიშნავია, რომ ხელმოწერების შეგროვების პროცესშივე შეინიშნებოდა მოსახლეობის მაღალი აქტივობა და მოტივაცია.

Equal gender opportunity:

-აღნიშნულით პროექტით მიღებული შედეგით თანაბრად ისარგებლებენ როგორც ქალები, ასევე მამაკაცები. გარდა ამისა, პროექტის განხორციელების პროცესში მონაწილე საინიციატივო ჯგუფის შემადგენლობაში იქნებიან ქალბატონები და მამაკაცები , გოგონები და ბიჭები , რომლებიც შეასრულებენ შესაბამისი ხასიათის სამუშაოებს, საბოლოოდ კი გარემოს დასუფთავება - გალამაზებისთვის , თემის მობილიზაციისათვის გაერთიანებული ძალებით იზრუნებენ.