Goals

Problem statement:

თელავის მუნიციპალიტეტის სოფელ ფშავლის საჯარო სკოლის ლალისყურის კორპუსში 1-4 კლასებში ფუნქციონირებს ორი კლასკომპლექტი. 90--იან წლებში 9 კლასიანი სკოლა ფუნქციონირებდა ლალისყურში. წლების შემდეგ ახალგაზრდა ოჯახებმა მიატოვეს სოფელი ვისაც საშუალება ჰქონდა ქალაქში წავიდნენ საცხოვრებლად. სოფელი თანდათან იცლება , მშობლებს უნდათ რომ მათმა შვილებმა მიიღონ ნორმალურ გარემოში განათლება. მასწავლებლებს და მოსწავლეებს ცუდ გარემოში უწევთ მეცადინეობა. სკოლაში არ არის დაცული ჰიგიენური პირობები, სკოლას არ აქვს საპირფარეშო. ადმინისტრაციული შენობის ეზოში არის მოძველებული, სადაც ბავშვი უსაფრთხოდ არ არის. ხშირად საპირფარეშოში მიმავალ ბავშვებს ქვეწარმავლები ხვდებიან და ბავშვები იძულებულები არიან სკოლის ეზოს მიმდებარე ტერიტორიაზე არსებულ ბზის ბუჩქებში მოისაქმონ. სკოლის შენობაში არის ფართი, სადაც კომუნისტების დროს ფუნქციონირებდა ორი საპირფარეშო, გოგონებისთვის და ვაჟებისთვის, რომლებიც დღეს უფუნქციოდ არის; კედლების ნალესი ჩამოშლილია, იატაკი ათხრილია , უნიტაზი ჩატეხილია , წყლის მილი ჩაჟანგებულია, კარები არ აქვს საერთოდ. საპირფარეშოს ოთახი საჭიროებს რეაბილიტაციას.

Proposed Solution:

საპირფარეშოების რეაბილიტაციისთვის საჭიროა შემდეგი აქტივობების განხორციელება: წყლის და კანალიზაციის გაყვანილობების, აგრეთვე წყალსაქაჩი ტუმბოს მონტაჟი; უნიტაზების მონტაჟი; ჰაერის გამწოვების მონტაჟი; საპირფარეშოების კედლების შელესვა - შეღებვა; იატაკზე მეტლახის დაგება; კარებების დაყენება; პირსაბანი ნიჟარების დამონტაჟება.
სარემონტო სამუშაოებს ჩაატარებენ მოსწავლეების მოხალისე მშობლები და მასწავლებლები.
პროექტის სამიზნე ჯგუფს წარმოადგენს პირველ რიგში სკოლის მოსწავლეები ( დღეისათვის 23 ბავშვი ) და მასწავლებლები ( 7 პედაგოგი )
გარდა პირდაპირი მოსარგებლებისა პროექტის წარმატებით განხორციელების შემთხვევაში პროექტით ისარგებლებენ მოსწავლეთა მშობლები, ოჯახის წევრები.

Sustainability:

პროექტის განხორციელების შემთხვევაში, ბავშვებს და მასწავლებლებს 20 – 25 წელი მოემსახურება და მათ საშუალება ექნებათ ისწავლონ ნორმალურ გარემოში. გარემონტებულ საპირფარეშოს მოვლა - შენარჩუნებაზე პასუხისმგებლობას აიღებენ სკოლის მასწავლებლები და თემის მუშაკი.

Equal gender opportunity:

რეაბილიტაცია გაუკეთდება ორ იზოლირებულ საპირფარეშოს, რომლით მოსარგებლეებიც იქნებიან გოგონები და ვაჟები.